تۇركىستان قالاسىنىڭ اكىمى راشيد ايۋپوۆ ءوزىنىڭ twitter پاراقشاسىندا كاسىپكەر، Tesla جانە SpaceX كومپانيالارىنىڭ باس اتقارۋشى ديرەكتورى يلون ماسكتى تۇركىستاندا Tesla زاۋىتىن سالۋعا شاقىردى.
"بىزدە مەندەلەيەۆ كەستەسىنىڭ بارلىعى بار. تۇركىستاندى ۇلى جىبەك جولى باسىپ وتكەن. سونداي-اق بىزدە بارلىق قاجەتتى ينفراقۇرىلىم بار. تۇركىستان – Tesla زاۋىتى ءۇشىن تاپتىرماس ورىن" دەپ جازدى ول.
جاقىندا يلون ماسك Tesla زاۋىتىن رەسمي تۇردە رەسەيدە اشۋ ماسەلەسى قاراستىرىلىپ جاتقانىن حابارلاعان.
Tesla – ەلەكتروموبيل قۇراستىرۋمەن اينالىساتىن امەريكالىق كاسىپكەر يلون ماسك كومپانيالارىنىڭ ءبىرى. تەحنيكا سالاسىنا ماماندانعان ميللياردەر بۇدان بولەك عارىشتى يگەرۋ ىسىمەن شۇعىلدانادى.
پىكىر قالدىرۋ