«Nur Otan» پارتياسىنىڭ جاڭا ەكولوگيالىق كەڭەسىنىڭ العاشقى ۇيىمداستىرۋ وتىرىسىندا سۋ رەسۋرستارىن ءتيىمدى پايدالانۋ، ورمان قورىن ۇلعايتۋ، شولەيتتەنۋ پروبلەماسىن شەشۋ جانە قورشاعان ورتانى قورعاۋ سالاسىنداعى باسقا دا وزەكتى ماسەلەلەر قارالدى.

«پارتيانىڭ سايلاۋالدى ۋادەلەرىن ورىنداۋ اياسىندا 1 شىلدەدە جاڭا ەكولوگيالىق كودەكس كۇشىنە ەنەدى. ەندى قورشاعان ورتاعا زياندى شىعارىندىلار ءۇشىن تولەنەتىن بارلىق اقشالاي تۇسىمدەر تەك تابيعاتتى قورعاۋ ءىس-شارالارىنا جۇمسالادى. سونداي-اق، پارلامەنت «جانۋارلاردى قورعاۋ تۋرالى» زاڭ جوباسىن جانە پوليگوننىڭ لاستانعان جەرلەرىندە رادياسيالىق قاۋىپسىزدىكتى قامتاماسىز ەتۋ ءۇشىن «سەمەي يادرولىق قاۋىپسىزدىك ايماعى تۋرالى» زاڭ جوباسىن قاراۋدى جوسپارلاپ وتىر. وسى باعىتتا بەلسەندى جۇمىس ىستەۋىمىز قاجەت»، - دەدى كەڭەس ءتوراعاسى جانە «Nur Otan» فراكسياسىنىڭ ءماجىلىس دەپۋتاتى ەلدوس اباقانوۆ.

ءوز كەزەگىندە ەكولوگيا، گەولوگيا جانە تابيعي رەسۋرستار ءمينيسترى كەشىرىڭىز ماعزۇم مىرزاعالييەۆ اقمولا وبلىسىنداعى قوپا، بۋراباي جانە شورتاندى، اقتوبە وبلىسىنداعى شالقار كولدەرىن تازارتۋ، سونداي-اق ارال تەڭىزىنىڭ سولتۇستىك بولىگىن جانە جايىق وزەنىنىڭ سۋاعارىن قالپىنا كەلتىرۋ جوسپارلارى تۋرالى ايتتى.

«Nur Otan» پارتياسىنىڭ سايلاۋالدى باعدارلاماسىندا 2025 جىلعا دەيىن 716 مىڭ گەكتاردان استام جەرگە 2 ملرد اعاش وتىرعىزۋ مىندەتى تۇر. بۇگىنگى تاڭدا اعىمداعى جىلعا جوسپارلانعان 130،2 ملن اعاشتىڭ 66،5 ملن-عا جۋىعى وتىرعىزىلدى. شولەيتتەنۋ پروبلەماسىن شەشۋ ءۇشىن 433،9 مىڭ گەكتار جەرگە سەكسەۋىل وتىرعىزىلادى»، - دەدى ەكولوگيا ءمينيسترى.

وتىرىس بارىسىندا كەڭەس ءتوراعاسىنىڭ ورىنباسارى ەدىل جاڭبىرشين وڭىرلەردەگى ناقتى ەكولوگيالىق پروبلەمالارعا نازار اۋدارىپ، ولاردىڭ ءتىزىلىمىن قالىپتاستىرۋدى ۇسىندى.

«ماسەلەن، سۋ رەسۋرستارىن ۇتىمدى پايدالانۋ ماسەلەسى بار، ونى وڭىرلەر بويىنشا ناقتىلاۋ قاجەت. جاقىندا اقتوبە وبلىسىندا (مۇعالجار، تەمىر اۋداندارى) ەكوبەلسەندىلەر ويىل وزەنىنىڭ ساعاسىندا 33 زاڭسىز سالىنعان بوگەت، 3 توعان جانە 2 كوپىردى انىقتادى. مۇنداي جاعدايلار باسقا وبلىستاردا دا بولۋى مۇمكىن»، - دەدى ەدىل جاڭبىرشين.

وتىرىس قورىتىندىسى بويىنشا سالالىق مينيسترلىككە كەڭەسپەن بىرلەسىپ وڭىرلەردە ەكولوگيالىق ساياساتتى جۇزەگە اسىرۋدىڭ ادىستەمەسىن ازىرلەۋ جانە ونى ىسكە اسىرۋدىڭ تيىمدىلىگىنە باعالاۋ جۇرگىزۋ ۇسىنىلدى. پارتيالىقتاردى، پروكۋراتۋرا مەن پوليسيا وكىلدەرىن مىندەتتى تۇردە قاتىستىرا وتىرىپ، حالىقتىڭ قورشاعان ورتاعا قاتىستى شاعىمدارىنا دەن قويۋ ءۇشىن ءموبيلدى توپتار قۇرۋ مۇمكىندىگىن قاراستىرۋ ۇسىنىلادى.

باسپا ءسوز قىزمەتىنىڭ مالىمەتىنشە، پارتيانىڭ ەكولوگيالىق ساياساتى اياسىندا قالالاردىڭ اۋاسىن جاقسارتۋ، سۋ رەسۋرستارىن ۇتىمدى پايدالانۋ، قالدىقتاردى قايتا وڭدەۋ بويىنشا جول كارتالارىن جۇزەگە اسىرۋ جالعاسادى.

ماسەلەن، الداعى 5 جىلدا نۇر-سۇلتان، الماتى، شىمكەنت، اتىراۋ، تاراز جانە اقتوبە قالالارىندا قوقىستى قايتا وڭدەۋ ۇلەسىن 30%-عا دەيىن جەتكىزە وتىرىپ، 6 قوقىس وڭدەۋ زاۋىتى ىسكە قوسىلادى. 2025 جىلعا دەيىن الماتى قالاسىنداعى جەو-2ء-نى گازعا كوشىرۋ جوسپارلانۋدا.

پارتيانىڭ بارلىق سايلاۋالدى ۋادەلەرىمەن تولىعىراق nurotan.kz. سايتىنان تانىسۋعا بولادى.