شىمكەنت قالاسى جانە جامبىل، قاراعاندى، پاۆلودار، اقتوبە، سولتۇستىك قازاقستان، اقمولا وبلىستارىندا كارانتيندىك شەكتەۋ شارالارىنا وزگەرىس ەنگىزىلەدى. بۇل تۋرالى وڭىرلەردىڭ باس سانيتار دارىگەرلەرى مالىمدەدى.
شىمكەنت قالاسىنىڭ باس سانيتار دارىگەرى ا. تولەبايەۆ بۇعان دەيىنگى قاۋلىسىنا وزگەرىستەر مەن تولىقتىرۋلار ەنگىزدى.
قاۋلىعا سايكەس، شىمكەنتتەگى كارانتيندىك الەۋمەتتىك-ەكونوميكالىق نىسانداردىڭ جۇمىسىن شەكتەۋ كريتەرييلەرى وزگەرتىلدى.
- مەيرامحانا، كافە، سونداي-اق "Ashyq" جوباسىنا قاتىساتىن جازعى الاڭدار تيپىندەگى قوعامدىق تاماقتانۋ ورىندارى ساعات 07:00-دەن 02:00-گە دەيىن جۇمىس ىستەيدى؛
- "Ashyq" جوباسىنا قاتىساتىن فۋد-كورتتار ساعات 10:00-دەن 00:00-گە دەيىن (سىيىمدىلىعى 20 پايىز، ادام سانى 30-دان اسپاۋ) جۇمىس ىستەۋگە رۇقسات ەتىلەدى؛
- مادەني نىساندارعا 50 ادامعا دەيىن، سونداي-اق ۆاكسينانىڭ ەكى كومپونەنتىن قابىلداعان ادامداردىڭ قاتىسۋىمەن دايىندىق وتكىزۋگە بولادى؛
- تەاترلارعا، كينوتەاترلارعا، كونسەرت زالدارىنا جانە فيلارمونيالارعا Ashyq قوسىمشاسىن پايدالانۋعا رۇقسات ەتىلەدى.
جامبىل وبلىسىنىڭ باس سانيتار دارىگەرى ب. شينالييەۆتىڭ جاڭا كارانتيندىك شەكتەۋ شارالارى 27 مامىر ساعات 00:00-دەن باستاپ كۇشىنە ەندى.
اتالعان قاۋلىعا سايكەس، ساۋدا، ويىن-ساۋىق ورتالىقتارى، بازارلار، حقكو، مونشالار، ءدىني مەكەمەلەر، كوممۋنالدىق شارۋاشىلىق، تاماق ونەركاسىبى، قوعامدىق تاماقتانۋ وبەكتىلەرى، ۆوكزالدار، اۋەجايلار جانە ت.ب. كۇشەيتىلگەن سانيتاريالىق-دەزينفەكسيالىق رەجيمدە جۇمىس ىستەۋگە ءتيىس.
جامبىل وبلىسىنىڭ ىشكى ساياسات باسقارماسى، تاراز قالاسىنىڭ جانە اۋدانداردىڭ اكىمدەرى:
- بۇقارالىق اقپارات قۇرالدارى جانە الەۋمەتتىك جەلىلەر ارقىلى قوسىمشا قابىلدانعان شارالار تۋرالى حالىقتى حاباردار ەتۋى كەرەك؛
- وبلىس تۇرعىندارى اراسىندا COVID-19 تارالۋىنا قارسى قابىلدانىپ جاتقان شارالار تۋرالى بۇقارالىق اقپارات قۇرالدارىندا اقپاراتتىق تۇسىندىرمە جۇمىستارىن جۇرگىزۋ قاجەت.
قاراعاندى وبلىسىنىڭ باس سانيتار دارىگەرى يۋ. ل. زالىگين كارانتين شارالارىنا قاتىستى جاڭا قاۋلى جاريالادى.
"Ashyq" ءموبيلدى قوسىمشاسىن پايدالانۋ ارقىلى كەيبىر بيزنەس نىساندارىنىڭ جۇمىسىنا رۇقسات ەتىلدى:
- بانكەت زالدارى جانە مەيرامحانا، ءدامحانالار ساعات 7:00-دەن 02:00-گە دەيىن جۇمىس ىستەۋىنە رۇقسات بەرىلەدى. قىزمەت كورسەتۋ 50 ادامنان اسپاۋعا ءتيىس؛
- كومپيۋتەرلىك كلۋبتار، ونىڭ ىشىندە PlayStation كلۋبتارىندا سىيىمدىلىعى 30%-دان اسپاي، جۇمىس رەجيمى ساعات 12:00-دەن 02:00-گە دەيىن بولادى.
پاۆلودار وبلىسىنىڭ باس سانيتار دارىگەرى ب. الييەۆ كارانتين شارالارى تۋرالى قاۋلىسىنا وزگەرىستەر مەن تولىقتىرۋلار ەنگىزدى.
قاۋلىعا سايكەس:
- ويىن-ساۋىق مەكەمەلەرىنىڭ قىزمەتىنە تىيىم سالىنادى؛
- بالالار ويىن-ساۋىق ورتالىقتارىنىڭ جۇمىسى توقتايدى؛
- مادەنيەت وبەكتىلەرىنىڭ قىزمەتىنە 30 ادامعا دەيىن رۇقسات ەتىلەدى؛
- جابىق عيماراتتاردا جانە اشىق ورىنداردا وتباسىلىق، ۇجىمدىق، كورپوراتيۆتىك، سالتاناتتى ءىس-شارالاردى وتكىزۋگە تىيىم سالىنادى؛
- تولىمدىلىعى 50 پايىزدان اسىرماي بالالاردى ساۋىقتىرۋ لاگەرلەرىنىڭ جۇمىسىنا رۇقسات ەتىلەدى؛
اقتوبە وبلىسىنىڭ باس سانيتار دارىگەرى ن.ا. بەركىمبايەۆانىڭ قاۋلىسى 26 مامىر ساعات 00:00-دەن باستاپ كۇشىنە ەندى.
- بەتپەردە رەجيمىن، الەۋمەتتىك قاشىقتىقتى ساقتاي وتىرىپ، اشىق اۋادا كينوتەاترلاردىڭ جۇمىسىنا رۇقسات بەرىلەدى؛
- اتا-انالاردىڭ ءوتىنىشى بويىنشا سىنىپتا بالالار سانى 15 ادامنان اسپاي جازعى مەكتەپتەردە وقىتىلادى؛
- قوعامدىق تاماقتانۋ وبەكتىلەرى، بۋكمەكەر كەڭسەلەرى، لوتەرەيا كلۋبتارىنىڭ جۇمىسىنا تىيىم سالىنادى.
سولتۇستىك قازاقستان وبلىسىنىڭ باس سانيتار دارىگەرى ءا. جۇماتايەۆتىڭ 2021 جىلعى 26 مامىرداعى №13 قاۋلىسى بويىنشا:
- تۇرعىلىقتى جەرى بويىنشا وتباسىلىق ءىس-شارالاردى وتكىزۋگە تىيىم سالىنادى؛
- جەرلەۋ شارالارى كەمىندە 2 مەتر قاشىقتىقتى ساقتاي وتىرىپ وتكىزىلەدى؛
- بۋكمەكەرلىك كەڭسەلەردىڭ قىزمەتىنە تىيىم سالىنادى؛
- مەرەكەلىك كورپوراتيۆتىك ءىس-شارالاردى ۇيىمداستىرۋعا جانە وتكىزۋگە تىيىم سالىنادى؛
اقمولا وبلىسىنىڭ باس سانيتار دارىگەرى ا. مۋسينا 27 مامىردا كارانتين شارالارى تۋرالى قاۋلىسىنا وزگەرىستەر مەن تولىقتىرۋلار ەنگىزدى.
- كوپشىلىك ءىس-شارالاردى ونىڭ ىشىندە ۇيدە وتكىزۋگە تىيىم سالىنادى؛
- ويىن-ساۋىق مەكەمەلەرىنىڭ قىزمەتىنە جانە مەرەكەلىك كورپوراتيتەردى ۇيىمداستىرۋعا تىيىم سالىنادى؛
- كورەرمەندەردىڭ قاتىسۋىمەن سپورتتىق ءىس-شارالاردى وتكىزۋ شەكتەلەدى؛
- بيليارد، كاراوكە، كومپيۋتەرلىك كلۋبتار، بانكەت زالدارى، بوۋلينگتەردىڭ جۇمىسى توقتاتىلادى.
پىكىر قالدىرۋ