قازاقستاندىق بوكسشى گەنناديي گولوۆكين مەن جاپوندىق ريوتا مۋراتا 28 جەلتوقساندا توكيودا كەزدەسۋ تۋرالى كەلىسىمگە كەلدى، دەپ حابارلادى sports.kz سايتى.
كەزدەسۋدە ورتا سالماقتاعى ءۇش چەمپيوندىق بەلبەۋ ساراپقا سالىنادى.
گولوۆكين (41-1-1، 36 كو) IBF جانە IBO تۇجىرىمدارى بويىنشا الەم چەمپيونى. جاپوندىق بوكسشى (16-2، 13 كو) WBA تۇجىرىمى بويىنشا سۋپەرچەمپيون. 35 جاستاعى ريوتا قازاقستاندىق بوكسشىدان 4 جاسقا كىشى. ول سپورتتا جاپون حالقىنىڭ اتىن شىعارىپ جۇرگەن بەلگىلى تۇلعالاردىڭ ءبىرى سانالادى.
بۇعان دەيىن ولاردىڭ كەزدەسۋى 31 جەلتوقساندا ءوتۋى مۇمكىن ەكەنى حابارلانعان.
پىكىر قالدىرۋ