"جوشى حان" تاريحي-مادەني كەشەنىنىڭ قۇرىلىس جۇمىستارى 90%-عا ورىندالدى. قازىرگى ۋاقىتتا ىشكى ارلەۋ، اۋلانى اباتتاندىرۋ، كوگالداندىرۋ جانە ينجەنەرلىك سىرتقى جەلىلەردى قوسۋ بويىنشا جۇمىستار جۇرگىزىلۋدە. بۇل تۋرالى قاراعاندى وبلىسىنىڭ اكىمى جەڭىس قاسىمبەك ءمالىم ەتتى.
وبلىس اكىمى ۇلىتاۋ اۋدانىنا جاساعان ساپارى بارىسىندا اۋدانداعى شارۋاشىلىق پەن ءتۋريزمدى دامىتۋعا ارنالعان جۇمىستاردىڭ اتقارىلۋ بارىسىمەن تانىسقان.
ساپار اياسىندا اكىم "جوشى حان" تاريحي-مادەني كەشەنىنىڭ قۇرىلىس الاڭىندا بولعانىن، مۇنداعى جۇمىستار 90% ورىندالعانىن حابارلادى.
– قازىرگى ۋاقىتتا ىشكى ارلەۋ، اۋلانى اباتتاندىرۋ، كوگالداندىرۋ جانە ينجەنەرلىك سىرتقى جەلىلەردى قوسۋ بويىنشا جۇمىستار جۇرگىزىلۋدە. قۇرىلىس جۇمىستارى تامىزدا اياقتالادى. كەشەن التىن وردا ءداۋىرىن زەرتتەۋگە ارنالعان عىلىمي ورتالىق قانا ەمەس، سونىمەن قاتار ۇلىتاۋدىڭ كيەلى ورىندارىن، ەتنو-اۋىل، جەزقازعان قالاسىنىڭ تاريحي-ارحەولوگيالىق جانە تاريحي-وندىرىستىك مۇراجايلارىن بايلانىستىراتىن بىرەگەي تۋريستىك مارشرۋتتىڭ ءبىر بولىگىنە اينالادى، – دەدى جەڭىس قاسىمبەك facebook پاراقشاسىندا.
پىكىر قالدىرۋ