تۇركىستان وبلىسىن تولەبي اۋدانىنداعى سايرام-وگەم مەملەكەتتىك ۇلتتىق تابيعي پاركىنىڭ اۋماعىندا جوعالعان 7 ادامنىڭ 3-ەۋى تابىلدى. بۇل تۋرالى تجم رەسمي وكىلى تالعات ءۋالي حابارلادى.
– تابىلعان ءۇش تۋريست ەۆاكۋاسيالاندى. ولاردىڭ حال-جاعدايى جاقسى، مەديسينالىق كومەككە مۇقتاج ەمەس. ەكەۋى 1999 جىلى جانە بىرەۋى 2000 جىلى تۋعان. ولاردىڭ ايتۋىنشا ءۇش كۇن بۇرىن ەكى توپقا ءبولىنىپ كەتكەن. تۇركىستان وبلىسى تجد قىزمەتكەرلەرى ولاردى اتا-اناسىنا تابىستادى. قالعان تۋريستەردى ىزدەستىرۋ جۇمىستارى جالعاستىرىلۋدا، – دەدى تالعات ءۋالي.
بۇعان دەيىن 25 مامىردا سايرام-وگەم مەملەكەتتىك ۇلتتىق تابيعي پاركىنىڭ اۋماعىندا 7 ادام جوعالعانى حابارلانعان. تۋريستەر 21 مامىردا تۋريستەر "سارى-ايعىر" شاتقالىنا جاياۋ بەت العان. قۇتقارۋشىلارعا حابارلاسقان ادامنىڭ ايتۋىنشا، ولار 24 مامىردا ۇيگە ورالۋى كەرەك ەدى.
پىكىر قالدىرۋ