باتىس قازاقستان وبلىسىندا 28 جاستاعى پوليسەي كولىكتى باسقارا الماي جول اپاتىنا ءتۇسىپ قايتىس بولدى. بۇل تۋرالى وبلىستىق پوليسيا دەپارتامەنتى حابارلادى.
قايعىلى وقيعا 9 ماۋسىم ساعات 20:00-دەر شاماسىندا ورال-اقساي تاس جولىنىڭ 25ء-شى شاقىرىمىندا بولعان.
"اپات سالدارىنان وبلىستىڭ پاترۋلدىك پوليسيا قىزمەتكەرى العان جاراقاتتارىنان اۋرۋحانادا قايتىس بولدى. ال ۆاز 2110 اۆتوكولىگىنىڭ ەكى جولاۋشىسى زارداپ شەككەن جوق" دەلىنگەن دەپارتامەنت تاراتقان حابارلامادا.
مارقۇم 2017 جىلدان باستاپ ىشكى ىستەر ورگاندارىندا قىزمەت اتقارعان. ونىڭ ارتىندا ايەلى مەن ەكى بالاسى قالدى.
اتالعان فاكت بويىنشا قىلمىستىق كودەكستىڭ 345-بابى 3-بولىگى (ابايسىزدا ادام ولىمىنە اكەپ سوققان ىس-ارەكەت) بويىنشا سوتقا دەيىنگى تەرگەۋ باستالىپ، ءتيىستى ساراپتامالار تاعايىندالدى.
پىكىر قالدىرۋ