شىعىس قازاقستان وبلىسىنىڭ باس سانيتار دارىگەرى ق. تۇردييەۆ كوروناۆيرۋس ينفەكسياسىنىڭ تارالۋىن الدىن الۋ ماقساتىندا جاڭا قاۋلى جاريالادى.
قاۋلىعا سايكەس:
- كارانتين رەجيمىن ساقتاي وتىرىپ، حالىقتى (تۋريستەردى) ورنالاستىرۋ جانە دەمالىس قىزمەتىمەن بايلانىستى تۋريستىك سالا نىساندارى قىزمەتىنە (قوناق ۇيلەر، موتەلدەر، كەمپينگتەر، تۋريستىك بازالار، قوناق كۇتەتىن ۇيلەر، دەمالىس ۇيلەرى، ساناتورييلەر، ساۋىقتىرۋ مەكەمەلەرى، پانسيوناتتار جانە تۋريستەردىڭ تۇرۋى مەن ولارعا قىزمەت كورسەتۋ ءۇشىن پايدالانىلاتىن باسقا دا عيماراتتار مەن قۇرىلىستار) رۇقسات ەتىلەدى؛
- جاعاجاي ايماعىندا جانە ورتاق سەرۋەندەۋ ايماعىندا (ولار بولعان جاعدايدا) الەۋمەتتىك قاشىقتىقتى ساقتاۋ بويىنشا بەلگىلەر سالىنادى؛
- ءبىر وتباسى مۇشەلەرىن قوسپاعاندا، بارلىق جاعىنان دەمالۋشىلار اراسىندا كەمىندە 1،5 مەتر قاشىقتىقتى ساقتاي وتىرىپ، جاعاجاي ايماعىندا دەمالۋشىلارعا رۇقسات بەرىلەدى؛
- جازعى دەمالىسقا كەلەتىن ادامداردىڭ كوپ جينالاتىن ورىندارىنداعى عيماراتتاردىڭ ءۇي-جايلارىنا (تەمىرجولدا جانە اۆتوۆوكزالداردا، اۋەجايلاردا، ايالدامالاردا، قوعامدىق كولىكتە) كۇندەلىكتى پروفيلاكتيكالىق دەزينفەكسيا جۇرگىزىلەدى؛
- "سارى/قىزىل" مارتەبەسى بار دەمالۋشىلار وبەكتىلەرگە جىبەرىلمەيدى جانە تۋريستىك-رەكرەاسيالىق ايماقتارعا كەلۋىنە تىيىم سالىنادى.
قاۋلى 2021 جىلدىڭ 15 ماۋسىمى ساعات 00:00-دەن باستاپ كۇشىنە ەنەدى جانە ونىڭ رەسمي كۇشى جويىلعانعا دەيىن قولدانىلادى.
پىكىر قالدىرۋ