الماتىدا مال ۇرلىعى تىيىلماي تۇرعانىن ايتقان ءبىر توپ ادام پرەزيدەنت ق.توقايەۆقا، پرەزيدەنت اكىمشىلىگىنە، باس پروكۋراتۋراعا، ىشكى ىستەر مينيسترلىگىنە ۇندەۋ جولداپ كومەك سۇرادى.
وزدەرىن مەدەۋ اۋدانىنداعى سۇلۋساي، كەڭساي سەكىلدى تاۋ بوكتەرىندەگى ىقشاماۋدان تۇرعىندارى رەتىندە تانىستىرعان ءبىر توپ ەر ازامات ءمۇيىزدى ءىرى قارانى قولدى قىلۋ ارەكەتتەرىمەن ۇنەمى ۇشىراسىپ وتىرعانىن، جاعدايدىڭ ۋشىققانى سونشالىق، ۇرلىقشىلار ءار ءۇيدىڭ قوراسىنان 4-5، كەيدە ءتىپتى 10 باسقا دەيىن الىپ كەتەتىنىن ايتادى. ەڭ سوراقىسى ولاردىڭ ءبارى جاۋاپسىز، جازاسىز سىتىلىپ كەتىپ جاتقانىنا ناليدى.
ارىزدانۋشى ازاماتتار بىرنەشە ناقتى جاعدايدى كەلتىرىپ،مەدەۋ اۋداندىق پوليسيا بولىمىنىنە جۇگىنۋ ەش ناتيجە بەرمەگەنىن، ادامدار پوليسياعا سەنبەيتىندىكتەن، شاعىمدانۋدان قالعانىن جەتكىزەدى.
سوزدەرىنشە، جازالانبايتىنىنا داندايسىعان قىلمىسكەرلەر تاپا-تال تۇستە ۇرلىق ىستەرىن جۇزەگە اسىرىپ، تولدەگەلى تۇرعان مالدىڭ قارنىن اقتارىپ، ادامگەرشىلىككە سىيمايتىن كوپە-كورنەۋ ارەكەتتەرگە باراتىن بولعان.
كومەك سۇراپ بارار جەر، باسار تاۋىمىز قالمادى دەگەن ولار پرەزيدەنت ق.توقايەۆقا «ءبىزدىڭ سىزدەن باسقا قورعانىمىز جوق» دەپ ۇندەۋ جاريالادى.
پوسموترەت ەتۋ پۋبليكاسيۋ ۆ Instagram
پىكىر قالدىرۋ