دەنساۋلىق ساقتاۋ ءمينيسترى الەكسەي سوي "كۇزگە دەيىن 10 ميلليون ادامعا ۆاكسينا سالۋ مىندەتى ورىندالماسا، وتستاۆكاعا كەتۋگە دايىنسىز با" دەگەن سۇراققا جاۋاپ بەردى.
– كەز كەلگەن ۇكىمەت مۇشەسىنىڭ كەز كەلگەن ماسەلەسى مەملەكەت باسشىسىنا بايلانىستى. سول سەبەپتى ءبىزدىڭ جۇمىسىمىزعا قانداي باعا بەرىلسە، سونداي شەشىم قابىلدانادى. ۆاكسينالاۋ جوسپارىنىڭ ورىندالۋى ءار قازاقستاندىققا بايلانىستى. ۆاكسيناسيا – ەرىكتى. بۇل ورايدا ءبىز ەشكىمدى دە ماجبۇرلەي المايمىز. تەك ءتۇسىندىرۋ جۇمىستارىن، تەك اقپاراتتىق قولداۋ عانا جۇرگىزەمىز، – دەدى سوي.
بۇعان دەيىن مينيستر قىركۇيەككە دەيىن 10 ملن ادامدى ۆاكسينالاۋ جوسپارلانىپ وتىرعانىن ايتقان. بۇگىندە ەلدە ۆاكسينانىڭ ءبىرىنشى كومپونەنتىن 2 587 884 ادام السا، ەكىنشى كومپونەنتىن 1 480 309 ادام العان.
پىكىر قالدىرۋ