پرەزيدەنت قاسىم-جومارت توقايەۆ قاراعاندى جانە اقمولا وبلىستارىن گازبەن قامتاماسىز ەتۋ مەرزىمىنىڭ كەشىكتىرىلىپ جاتقانىن، اكىمدىكتەردءىڭ سالعىرتتىعىنان تۇرعىن ۇيلەردى گازبەن قامتۋ مەرزىمى كەيىنگە شەگەرىلگەنىن ءىس ايتتى. بۇل تۋرالى اقوردانىڭ باسپا ءسوز قىزمەتى حابارلادى.

پرەزيدەنت گاز سالاسىن دامىتۋ جونىندەگى كەڭەستە سۇيىتىلعان گاز جەتكىزۋشى كاسىپورىن اتىراۋ مۇناي وڭدەۋ زاۋىتىنىڭ جۇمىسىن سىنعا الدى. 

– جاڭعىرتۋ جۇمىستارى 2018 جىلى اياقتالعانىنا قاراماستان، كاسىپورىن جۇمىسىندا ءالى دە ىركىلىستەر بار. ناتيجەسىندە، مۇناي ونىمدەرىنىڭ بارلىق ءتۇرى بويىنشا ءوندىرىس كولەمى كەمىپ، سونىڭ ىشىندە، سۇيىتىلعان گاز  ازايىپ كەتتى. بۇل جانارماي قۇيۋ ستانسيالارىنداعى تاپشىلىققا جانە باعانىڭ شارىقتاۋىنا الىپ كەلدى. قازىرگى ۋاقىتتا اتالعان پروسەسس جابىق  ءارى تۇسىنىكسىز جاعدايدا ىسكە اسىرىلادى. بۇل سىبايلاس جەمقورلىقتىڭ ەتەك جايۋىنا الىپ كەلەدى، – دەدى  توقايەۆ.

مەملەكەت باسشىسىنىڭ سوزىنشە ەل بويىنشا گازداندىرۋ دەڭگەيى 53 پايىزدان استى. التى ءوڭىر 90 پايىزدان استام كولەمدە گازبەن قامتاماسىز ەتىلگەن. بۇل رەتتە ەلوردا، قاراعاندى جانە اقمولا وبلىستارىن گازبەن قامتاماسىز ەتۋ مەرزىمى كەشىكتىرىلىپ جاتىر. 

– اكىمدىكتەردىڭ سالعىرتتىعىنان تۇرعىن ۇيلەردى گازبەن قامتاماسىز ەتۋدىڭ بەلگىلەنگەن مەرزىمدەرى كەيىنگە شەگەرىلۋدە. سوندىقتان ۇكىمەتكە ناقتى مەرزىمىن، ينديكاتورلار مەن جاۋاپتى تۇلعالاردى كورسەتە وتىرىپ، اتالعان وڭىرلەردى گازبەن قامتاماسىز ەتۋ جوسپارىن جانداندىرۋدى تاپسىرامىن، – دەدى پرەزيدەنت.