1 ماۋسىمداعى جاعداي بويىنشا ءبىرىڭعاي جيناقتاۋشى زەينەتاقى قورى سالىمشىلارىنىڭ شوتتارىندا 12،7 تريلليون تەڭگە زەينەتاقى جيناعى بار. بۇل تۋرالى قوردىڭ باسپا ءسوز قىزمەتى حابارلادى.

2020 جىلدىڭ 1 ماۋسىمىنان باستاپ 2021 جىلدىڭ 1 ماۋسىمىنا دەيىن زەينەتاقى جيناقتارىنىڭ سوماسى 1 ترلن اسا تەڭگەگە ( 9%) وسكەن.

زەينەتاقى جيناقتارىنىڭ نەگىزگى سوماسى مىندەتتى زەينەتاقى جارنالارى (مزج) ەسەبىنەن جيناقتالدى، ونىڭ مولشەرى 12،4 ترلن تەڭگە (سوڭعى 12 اي ىشىندەگى ءوسىم – 9%). مىندەتتى كاسىپتىك زەينەتاقى جارنالارى (مكزج) بويىنشا زەينەتاقى جيناقتارىنىڭ سوماسى 326،1 ملرد تەڭگە (ءوسىم 18%)، ال ەرىكتى زەينەتاقى جارنالارى (ەزج) بويىنشا زەينەتاقى جيناقتارىنىڭ سوماسى 2،2 ملرد تەڭگەگە (ءوسىم 4%) جەتتى.

2021 جىلدىڭ بەس ايىندا بجزق سالىمشىلارى وتكەن جىلدىڭ سايكەس كەزەڭىمەن سالىستىرعاندا كوبىرەك قاراجات سالعان. 2021 جىلعى 1 ماۋسىمداعى جاعداي بويىنشا سالىمشىلاردىڭ شوتتارىنا جالپى كولەمى شامامەن 665،6 ملرد تەڭگە زەينەتاقى جارنالارى اۋدارىلعان، بۇل 2020 جىلدىڭ سايكەس كەزەڭىندەگى كورسەتكىشتەن 236،7 ملرد تەڭگەگە نەمەسە 55%-عا اسىپ ءتۇستى. جارنالاردىڭ جالپى كولەمىنىڭ 95،5%-ىن بجزق-عا مزج بويىنشا تۇسىمدەر قۇرايدى، ولاردىڭ سوماسى – 491،5 ملرد تەڭگە (سوڭعى 12 اي ىشىندەگى ءوسىم 20%)، مكزج بويىنشا 22،9 ملرد تەڭگە (ءوسىم 14%) ءتۇستى، ەزج بويىنشا 241 ملن تەڭگە (ءوسىم 80%) اۋدارىلدى.

زەينەتاقى جيناقتارىنىڭ ايتارلىقتاي ءوسۋى، سالىمشىلار سالىمىنان بولەك، 2021 جىلعى 1 قاڭتار مەن 1 ماۋسىم ارالىعىندا 654،2 ملرد تەڭگەنى قۇراعان تازا ينۆەستيسيالىق تابىس ارقاسىندا بولعان. ول وتكەن جىلدىڭ سايكەس كەزەڭىندەگى كورسەتكىشتەن 31% نەمەسە 155 ملرد تەڭگەگە ارتىق.

قازاقستان رەسپۋبليكاسى ۇلتتىق بانكىنىڭ باسقارۋىنداعى بجزق زەينەتاقى اكتيۆتەرى بويىنشا كىرىستىلىك جىل باسىنان باستاپ 1 ماۋسىمعا 5،3% بولسا، ينفلياسيا 3،5% قۇرادى. سوڭعى 12 ايداعى كىرىستىلىك 11،7%، وسى كەزەڭدەگى ينفلياسيا 7،2% بولدى.

2021 جىلعى 1 ماۋسىمداعى جاعداي بويىنشا بجزق-داعى جەكە زەينەتاقى شوتتارىنىڭ سانى 11،6 ملن بىرلىكتى قۇرادى. شوتتاردىڭ ەڭ كوپ سانى مىندەتتى زەينەتاقى جارنالارى (مزج) بويىنشا اشىلدى، ولاردىڭ سانى – 10 900 756. ودان ءارى مكزج ەسەبىنەن قالىپتاسقان شوتتار – 523 624، بجزق-داعى ەزج ەسەبىنەن قالىپتاسقان شوتتار سانى ءقازىر 45 143 بىرلىككە تەڭ.

جىل باسىنان بەرى بجزق سالىمشىلارىنا 1،5 ترلن تەڭگەدەن استام تولەم جاسالدى. تولەمدەردىڭ 1،4 ترلن تەڭگە كولەمىندەگى باسىم بولىگىن ءبىرجولعى زەينەتاقى تولەمدەرى (بزت) قۇرادى. جاس مولشەرى بويىنشا تولەمدەر ەكىنشى ورىندا – 37،4 ملرد تەڭگە. ودان ءارى ساقتاندىرۋ ۇيىمدارىنا اۋدارىمدار شامامەن 33،8 ملرد تەڭگەنى، مۇراگەرلىك بويىنشا تولەمدەر 26،3 ملرد تەڭگەنى، ق ر شەگىنەن تىس تتج كەتۋگە بايلانىستى تولەمدەر 13،4 ملرد تەڭگەنى، جەرلەۋگە بەرىلگەن تولەمدەر 2،1 ملرد تەڭگەنى جانە مۇگەدەكتىك بويىنشا تولەمدەر 0،9 ملرد تەڭگەنى قۇراعان.

كەستە بويىنشا اي سايىنعى ورتاشا تولەم سوماسى (زەينەت جاسىنا تولۋىنا بايلانىستى) 28 780 تەڭگەنى، ال اي سايىنعى تولەمنىڭ ەڭ جوعارى سوماسى 522 610 تەڭگەنى قۇرادى. بۇل رەتتە، اعىمداعى جىلى سالىمشىعا كەستە بويىنشا بەرىلگەن مزج، مكزج جانە ەزج-نىڭ جيىنتىق تولەمى 558 954،53 تەڭگە بولدى.