قازاقستاننىڭ بەس ءوڭىرى كوروناۆيرۋستىڭ تارالۋ دەڭگەيى بويىنشا "قىزىل" ايماقتا. بۇل تۋرالى COVID-19 تارالۋىنا جول بەرمەۋ جونىندەگى ۆەدومستۆوارالىق كوميسسيا حابارلادى.
كوروناۆيرۋس ينفەكسياسى بويىنشا قازاقستان وڭىرلەرىندەگى ەپيدەميولوگيالىق احۋالدى باعالاۋ ماتريساسىنا سايكەس، تەك نۇر-سۇلتان، الماتى قالالارى جانە اتىراۋ، باتىس قازاقستان جانە قاراعاندى وبلىستارى "قىزىل" ايماقتا تۇر.
شىمكەنت قالاسى، قوستاناي جانە ماڭعىستاۋ وبلىستارى "سارى" ايماقتا ورنالاسقان.
⠀
ال "جاسىل" ايماقتا –اقمولا، اقتوبە، جامبىل، قىزىلوردا، شىعىس قازاقستان، پاۆلودار، سولتۇستىك قازاقستان جانە تۇركىستان وبلىستارى.
