"قارۋ كەزەنگەن" سۋرەتپەن جازبا جاريالاعان ەلوردالىق جىگىت ۇستالدى

/image/2021/06/28/crop-12_97_418x558_7854.jpg

ءاليحان ءومىرزاقوۆ ءوز پاراقشاسىندا قارۋ-جاراقپەن تۇسكەن سۋرەتتەرمەن بىرگە تۇسىنىكسىز بىرنەشە جازبا جاريالاعان. بىرىندە "ەرتەڭ 28 ماۋسىم كۇنى نۇر-سۇلتاندا ساعات 18:50-دە كەش كوڭىلدى بولادى" دەسە، كەلەسى جازبادا "ەرتەڭ 28.06.2021 18:50-دە مەن ترياتلون ساياباعىنىڭ كىرەبەرىسىندە بولامىن. مەنىمەن بىرگە بولعىسى كەلەتىندەر كەلسىن" دەپ whatsapp نومەر دەلىنگەن ءبىر نومەردى قالدىرعان.

اقپاراتقا ساي، جەلىدە جازبا قالدىرعان ادام 23 جاستاعى ەلوردا تۇرعىنى ەكەنى انىقتالعان. ول سترايكبول دەپ اتالاتىن اتىس وينىنا قىزىعادى. مۇنداي قادامعا الەۋمەتتىك جەلىدەگى وقىرماندار سانىن كوبەيتۋ ءۇشىن بارعان. ال سۋرەتتەگى قارۋلار ويىنشىق بولىپ شىققان.

اتالعان وقيعا بويىنشا قىلمىستىق كودەكسىنىڭ 287-بابى بويىنشا (قارۋدى، ءوق-دارiلەردi، جارىلعىش زاتتاردى جانە جارىلىس قۇرىلعىلارىن زاڭسىز يەمدەنۋ، بەرۋ، وتكiزۋ، ساقتاۋ، تاسىمالداۋ نەمەسە الىپ ءجۇرۋ) سوتقا دەيىنگى تەرگەۋ باستالعان. اتىس قارۋىنا تيىستىلىگىن انىقتاۋ ماقساتىندا بالليستيكالىق ساراپتاما تاعايىندالدى.

"قارۋ كەزەنگەن" سۋرەتپەن جازبا جاريالاعان ەلوردالىق جىگىت ۇستالدى

قاتىستى تەگتەر :

پىكىر قالدىرۋ

قاتىستى ماقالالار