ءبىلىم جانە عىلىم ءمينيسترى اسحات ايماعامبەتوۆتىڭ تاپسىرماسى بويىنشا قازاقستاندىق جوعارى وقۋ ورىندارى ستۋدەنتتەر اراسىندا ۆاكسيناسيانى قولداۋ اكسياسىن باستايدى. بۇل تۋرالى ءبىلىم جانە عىلىم ۆيسە-مينيسترى قۋانىش ەرعالييەۆ حابارلادى.
ۆيسە-مينيستر كوروناۆيرۋس ينفەكسياسىنا قارسى ۆاكسينا سالدىرعان ستۋدەنتتەر جوعارى وقۋ ورىندارىنىڭ مۇمكىندىكتەرىنە بايلانىستى وقۋعا، جاتاقحانالاردا تۇرۋعا جەڭىلدىك الىپ، ءتۇرلى سىيلىقتارعا يە بولاتىنىن ايتتى. تەك ستۋدەنتتەر عانا ەمەس، سونىمەن قاتار جوعارى وقۋ ورىندارىنىڭ ەكپە سالدىرعان وقىتۋشىلارى دا ماتەريالدىق ماتەريالدىق ىنتالاندىرۋعا يە بولادى.
– ءال-فارابي اتىنداعى قازۇۋ، ل.ن.گۋميليەۆ اتىنداعى ەۇۋ، اباي اتىنداعى قازۇپۋ، ق.ي. ساتبايەۆ اتىنداعى قازۇتزۋ، م.اۋەزوۆ اتىنداعى وقۋ، م. وتەمىسوۆ اتىنداعى بقۋ، ح.دوسمۇحامەدوۆ اتىنداعى اتىراۋ ۋنيۆەرسيتەتى ۆاكسيناسيالاۋدى قولداۋ بويىنشا اكسيالاردى باستاپ كەتتى. ءبىرقاتار جوعارى وقۋ ورنىنىڭ ستۋدەنتتەرى ءۇشىن وقۋعا، جاتاقحانالاردا تۇرۋعا جەڭىلدىكتەر، ساۋىقتىرۋ شيپاجايلارىنا تەگىن جولدامالار، تەگىن تاماقتانۋ جانە قوعامدىق كولىكتى پايدالانۋ تالوندارى قاراستىرىلعان، – دەدى قۋانىش ەرعالييەۆ.
سونداي-اق جوعارى وقۋ ورىندارى ۆاكسيناسيالانعان ستۋدەنتتەر ءۇشىن شەت تىلدەرىن، كومپيۋتەرلىك ساۋاتتىلىق جانە كاسىپكەرلىك داعدىلاردى دامىتاتىن تەگىن كۋرستار ۇيىمداستىرۋدى جوسپارلاپ وتىر.
ەكپە سالدىرعان كەيبىر ۋنيۆەرسيتەتتەردىڭ ستۋدەنتتەرى فيتنەس زالدارىنا، باسسەينگە، تەاترعا، كينوتەاترعا جانە كونسەرتتەرگە تەگىن بارا الادى. ال ۆاكسيناسيالانعان وقىتۋشىلار قوسىمشا اقى نەمەسە اقىلى دەمالىس الادى.
– ۆاكسيناسيا ماسەلەلەرى مەن ونىڭ شەشىلۋ جولدارىن جوعارى وقۋ ورىندارىنىڭ وزدەرى قابىلدايدى. ءمينيستردىڭ تاپسىرماسى بويىنشا جوعارى وقۋ ورىندارى ستۋدەنتتەر مەن وقىتۋشىلاردى ۆاكسيناسيالاۋعا شاقىرىپ، ىنتالاندىرۋ بويىنشا شارالار قابىلداپ جاتىر. بۇل اكسيا ءبىزدىڭ ازاماتتاردىڭ ساناسىن وياتۋعا كومەكتەسەدى دەپ سەنەمىز. ءبىز بىرلەسە وتىرىپ، ءقاۋىپتى ۆيرۋستى جەڭە الامىز جانە كارانتين مۇمكىندىگىنشە تەز اياقتالادى دەپ ۇمىتتەنەمىز. باسقا جوعارى وقۋ ورىندارىن دا ۆاكسيناسيانى قولداۋ ءۇشىن ىنتالاندىرۋ شارالارىن ۇيىمداستىرۋعا شاقىرامىز. سەبەبى بۇل كوروناۆيرۋستىڭ تارالۋىن توقتاتۋدىڭ جالعىز جولى، – دەپ اتاپ ءوتتى ءبىلىم جانە عىلىم ۆيسە-مينيسترى قۋانىش ەرعالييەۆ.
پىكىر قالدىرۋ