پرەمەر-مينيستر اسقار مامين الماتى قالاسىنا جۇمىس ساپارى اياسىندا ۇلكەن الماتى اينالما اۆتوموبيل جولىنىڭ (ءۇاااج) سالىنۋ بارىسىن تەكسەردى، دەپ حابارلادى ۇكىمەت باسشىسىنىڭ باسپا ءسوز قىزمەتى.

ءۇاااج – قازاقستان مەن ورتالىق ازياداعى مەملەكەتتىك-جەكەشەلىك ارىپتەستىك سالاسىنداعى جول قۇرىلىسىنىڭ ءىرى ينفراقۇرىلىمدىق جوباسى. قۇرىلىس-مونتاج جۇمىستارىنىڭ قۇنى 150 ملرد تەڭگەنى قۇرايدى. جوبانى ەۋروپا قايتا قۇرۋ جانە دامۋ بانكى، يسلام دامۋ بانكى، ەۋرازيا دامۋ بانكى قارجىلاندىرادى. كونسەسسيا شارتىنا 2018 جىلى 20 جىل مەرزىمگە قول قويىلعان. كونسەسسيونەر – "السيم الاركو"، "ماكيول ينشاات"، "سك ەكوپلانت"، "كورەيا ەكسپرەسسۆەي" سەكىلدى تۇركيا جانە وڭتۇستىك كورەيا كومپانيالارى قۇرعان "ءۇاااج ينۆەستيسيالار جانە وپەراسيالار" ج ش س.

قۇرىلىس الاڭىنا شامامەن 1600 ادام مەن 600 بىرلىك تەحنيكا جۇمىلدىرىلعان. قۇرىلىس اسا بەلسەندى جۇرگىزىلەتىن كەزدە 3 مىڭعا جۋىق ادامدى تارتۋ جوسپارلانىپ وتىر.

اسقار مامين قۇرىلىس-مونتاجداۋ جۇمىستارىنىڭ قارقىنىن ارتتىرۋدى جانە بارلىق ساپا ستاندارتتارىن قامتاماسىز ەتە وتىرىپ، كەستەدەن 2 جىلعا ەرتەرەك، جۇمىستى 2022 جىلدىڭ سوڭىنا دەيىن اياقتاۋدى تاپسىردى.