قازاقستاننىڭ بەلگىلى ايتىسكەر اقىنى اسەلحان قالىبەكوۆا قايتىس بولدى. بۇل تۋرالى اقىن ءبىرجان ايتۋوۆ facebook پاراقشاسىندا حابارلادى.

"الاشتىڭ اياۋلى اقىنى اسەلحان قالىبەكوۆا اپامىز بۇل جالعانمەن قوشتاستى. بارشا قازاق ەلىنە قايعىرىپ كوڭىل ايتامىز. جانازا ۋاقىتىن قوسىمشا حابارلايمىز" دەپ جازدى ءبىرجان ايتۋوۆ.

اسەلحان قالىبەكوۆا 1950 جىلى 22 ساۋىردە وڭتۇستىك قازاقستان وبلىسى وتىرار اۋدانىندا دۇنيەگە كەلگەن.

جازۋشىلار وداعى جامبىل اتىنداعى سىيلىعىنىڭ تۇڭعىش يەگەرى (1989) بولعان.

قازاق كسر جوعارعى سوۆەتى پرەزيديۋمىنىڭ قاۋلىسىمەن قازاق كسر – نىڭ حالىق اقىنى قۇرمەتتى اتاعى بەرىلگەن (1990 ج. 6 ءساۋىر).

اسەلحان قالىبەكوۆانىڭ “وتىرار اسپانى” (1994)، “باسىڭدى تىكپەي ب ا ق قايدا؟!” (1990-2000)، “اللادان پارمەن سۇراعان” (2000)، “سىرتتان كەتكەن تامىرلار” (2004)، “جىر-شاپاعات” (2008)، “ اسەلحان الەمى” (2008) اتتى كىتاپتارى جارىق كورگەن.