جامبىل وبلىسىنىڭ باس سانيتار دارىگەرى ب. شينالييەۆ كارانتيندىك شەكتەۋ شارالارىن قاتاڭداتۋ تۋرالى جاڭا قاۋلى جاريالادى.
قاۋلىعا سايكەس:
- ويىن-ساۋىق، سپورتتىق ءىس-شارالاردى، كورمەلەردى، فورۋمداردى، كونفەرەنسيالاردى، سونداي-اق وتباسىلىق، سالتاناتتى، ەستەلىك ءىس-شارالاردى (بانكەتتەر، ۇيلەنۋ تويلارى، مەرەيتويلار، ەسكە الۋ)، ونىڭ ىشىندە ۇيدە جانە ادامدار كوپ جينالاتىن وزگە دە ءىس-شارالاردى وتكىزۋگە تىيىم سالىنادى؛
- 5 جاسقا دەيىنگى بالالاردى، سونداي-اق، قوعامدىق تاماقتانۋ ورىندارىندا تاماقتانۋ جاعدايلارىن قوسپاعاندا، الەۋمەتتىك قاشىقتىقتى ساقتاي وتىرىپ، قوعامدىق ورىنداردا جانە ءۇي-جايلاردا، قوعامدىق كولىكتە بەتپەردە كيۋ تالاپتارى ساقتاۋلى ءتيىس؛
- جامبىل وبلىسىنىڭ اۋماعىندا "Ashyq" جوباسىنا قاتىساتىن الەۋمەتتىك-ەكونوميكالىق وبەكتىلەردىڭ قىزمەتى شەكتەلەدى؛
- ءاربىر رەيس الدىندا قوعامدىق كولىكتىڭ، اۋەجايلاردىڭ، تەمىرجول جانە اۆتوۆوكزالداردىڭ، قوعامدىق كولىك ايالدامالارىنىڭ ت. ب. نىساندارىنا دەزينفەكسيا جۇمىستارى جۇرگىزىلۋى ءتيىس؛
- ساۋدا-ويىن-ساۋىق ورتالىقتارى، بازارلار، حقكو، مونشالار، ءدىني ماقساتتاعى، كوممۋنالدىق شارۋاشىلىق، تاماق ونەركاسىبى، قوعامدىق تاماقتانۋ وبەكتىلەرى، ۆوكزالدار، اۋەجايلار، قىزمەت كورسەتۋ سالالارى (سۇلۋلىق سالوندارى، اتەلە جانە باسقالار) كۇشەيتىلگەن سانيتاريالىق-دەزينفەكسيالىق رەجيمدى ساقتاي وتىرىپ جۇمىس ىستەيدى.
قاۋلى 7 شىلدە ساعات 00:00-دە كۇشىنە ەنەدى.
پىكىر قالدىرۋ