پاۆلودار وبلىسى اقسۋ قالاسىندا وز-وزىنە قول سالعان پوليسەيدىڭ ءمايىتى تابىلدى. بۇل تۋرالى وبلىستىق پوليسيا دەپارتامەنتى حابارلادى.

– 5 شىلدەدە اقسۋ قالاسىندا تۇنگى ساعات 23:40-تا پوليسيا مايورىنىڭ ءمايىتى تابىلدى. ول وز-وزىنە قول سالعان (اسىلىپ قالعان)، – دەدى وبلىستىق پوليسيا دەپارتامەنتى باسشىسىنىڭ ورىنباسارى جاندوس ورىمبايەۆ.

ءقازىر اتالعان ءىس بويىنشا قىلمىستىق كودەكستىڭ 105-بابى (ءوزiءن-وزi ءولتiرۋگە دەيiن جەتكiزۋ) بويىنشا سوتقا دەيىنگى تەرگەۋ جۇمىستارى باستالدى.

ەسكە سالا كەتەيىك، وسى جىلدىڭ مامىر ايىندا پاۆلودار وبلىسى جەلەزين اۋداندىق پروكۋراتۋراسىنىڭ عيماراتىندا 29 جاستاعى اعا تەرگەۋشى وزىنە وق اتقان بولاتىن. قىزمەتتىك قارۋدان اتىلعان وق قىزمەتكەردىڭ وڭ يىعىنا تيگەن. ەر ادامعا وبلىستىق اۋرۋحانادا وتا جاسالىپ، كەيىننەن پاۆلودار اۋرۋحاناسىنا جەتكىزىلگەن.

وبلىستىق پروكۋراتۋرا قىزمەتتىك تەرگەۋ جۇرگىزىپ، وقيعا بولعان كۇنى اۋدان پروكۋرورىنىڭ ورىنباسارى پوليسيا قىزمەتكەرىنىڭ جۇمىسىن سىناعانىن، سودان كەيىن ول ءوزىن-وزى اتقانىن انىقتادى. جۇرگىزىلگەن ءىس ناتيجەلەرى بويىنشا پاۆلودار وبلىسى پروكۋراتۋراسىنىڭ تارتىپتىك كوميسسياسىنىڭ شەشىمىمەن جەلەزين اۋدانى پروكۋرورىنىڭ ورىنباسارى جانە اۋدان پروكۋرورى قىزمەتىنەن بوساتىلعان.