الماتىداعى دەموكراتيالىق پارتيا باستاماشىل توبى جاقتاستارىنىڭ ميتينگىندە بىرنەشە بەلسەندى ۇستالىپ، تاعى بىرنەشەسى جارالاندى. بۇل تۋرالى بەلسەندى، جۋرناليست ينگا يمانباي ءوزىنىڭ Facebook پاراقشاسىندا حابارلادى.

ءجۋرناليستىڭ ايتۋىنشا، ىرىسبەك توقتاسىن، داۋرەن دوستياروۆ، ءۋاليحان ەسىمدى ءۇش بەلسەندىنى پوليسيا ۇستاپ الىپ كەتكەن. بەلسەندىلەر ابزال دوستياروۆ، تەمىرتاس ناعيمۋتۋللايەۆ سوققىعا جىعىلعان. ولارعا جەدەل جاردەم كومەگى قاجەت.

الماتىداعى بالۋان شولاق اتىنداعى سپورت سارايىنىڭ ماڭىندا دەموكراتيالىق پارتيا باستاماشىل توبى جانە ولاردىڭ جاقتاستارى 6 ساعاتتان بەرى پوليسيا قورشاۋىندا تۇر. بەلسەندىلەر "قىمباتشىلىق پەن جۇڭگو ەكسپانسياسىنا قارسىلىق"، نۇرسۇلتان نازاربايەۆ بيلىكتەن كەتسىن دەگەن ۇرانمەن ميتينگە شىعىپ، پوليسيا قورشاۋىندا قالعان.

اۋماقتا جاياۋ جۇرگىنشىلەر جولى شەكتەلگەن. ينتەرنەت بايلانىسى مۇلدە ىستەمەيدى.

بەلسەندىلەر قازاقستاندا جۇڭگو ەكسپانسياسى اگرەسسيۆتى تۇردە ءجۇرىپ جاتقانىن، قازاقستان اۋماعىنداعى جۇڭگو ينۆەستورلارى ءوندىرىس ورىندارىندا جەرگىلىكتى حالىق قۇقىعىن تاپتاپ جاتقانىن ايتتى. قىتايلىق كومپانيالارداعى جەرگىلىكتى جۇمىسشىلاردىڭ جالاقىسى جۇڭگو مامانداردان ەداۋىر از ەكەنىن، سونداي-اق جەرگىلىكتى جۇمىسشىلار تەك قاراپايىم جۇمىسقا الىناتىنىنا نارازىلىق تانىتتى. ولاردىڭ سوزىنشە، الماتى – وسكەمەن اۆتوجولى قۇرىلىسىندا تەر توگىپ جۇرگەن جەرگىلىكتى جۇمىسشىلار جالاقىسىنىڭ ازايۋى سونداي جاعدايلاردىڭ ءبىرى عانا.

سونداي-اق بەلسەندىلەر قىمباتشىلىق حالىقتى تيتىقتاتىپ جىبەرگەنىن ايتىپ، باعانىڭ ىرىق بەرمەي وتىرعانىنا بيلىكتى كىنالادى. نۇرسۇلتان نازاربايەۆتىڭ تۋعان كۇنىمەن تۇسپا-تۇس كەلەتىن 6 شىلدە – استانا كۇنىن "مەرەكە دەپ سانامايمىز"، "6 شىلدە قاسىرەتتى كۇن"، "قازاقستان مونارحياعا اينالىپ بارا جاتىر" دەپ مالىمدەدى.

نارازى توپ بىرنەشە مارتە قورشاۋدان شىعۋعا ارەكەت جاساعانىمەن، ارنايى جاساقتان وتە المادى. سونداي ارەكەتتەردىڭ بىرنەشەۋىندە بەلسەندىلەر مەن ارنايى جاساق قاقتىعىسقا ءتۇسىپ، بەلسەندى دانايا كالييەۆا قولىن، ىرىسبەك توقتاسىن اياعىن جارالاپ الدى.

الاڭدا بەتتەرىن تۇمشالاپ، ۆيدەوعا ءتۇسىرىپ جۇرگەن ازاماتتىق كيىمدەگى ادامدار كوپ بولدى. بەلسەندىلەر ولاردى "ارانداتۋشىلار"، "قارابەتتەر" دەپ وزدەرىنىڭ ماڭىنا جولاماۋدى تالاپ ەتتى. الايدا ول ادامدار ارەكەتتەرىن جالعاستىرۋىن توقتاتپادى. سونداي ساتتەردىڭ بىرىندە بەلسەندىلەر ەموسياعا ەرىپ بەرىپ قولىنداعى بوتەلكەلەرىن، پلاكاتتارىن بەلگىسىز ادامدارعا قاراي سەرمەپ، قاقتىعىسا جازدادى.

نارازى ازاماتتار "الاڭعا قيراتۋ، ءبۇلدىرۋ ءۇشىن ەمەس، ءوز پىكىرىن ءبىلدىرۋ ءۇشىن شىقتىق" دەيدى. اراسىندا بۇعان دەيىن ميتينگكە شىعۋعا وقتالعانىمەن، ۇيالىپ جۇرگەنىن، وسى جولى تاۋەكەلگە باس تىگىپ الاڭعا كەلگەنىن ايتقان، "ميتينگ شىققانىنا بولا جۇا تالپلەر جتالپلەر-دەگۋستاسيا، بەلااانىنا بولا جۇمى ءشارىس، بەلااۇ ولار "ديكتاتورلىق رەجيم ماڭگى تۇرمايتىنىن" اتاپ ءوتىپ، ازاماتتاردى ويىن ءبىلدىرۋ ءۇشىن الاڭعا كەلۋدەن قورىقپاۋعا، قاتارلارىنا قوسىلۋعا ۇندەدى.