الماتى وبلىسى توتەنشە جاعدايلار دەپارتامەنتى قاراساي اۋدانى قىرعاۋىلدى اۋىلىنان جوعارى ورنالاسقان "گورنىي سادوۆود" باۋ-باقشا قوعامىندا سۋ قۇبىرىنىڭ جارىلۋى سالدارىنان بالشىق قوسپاسى كوشكەنىن تۋرالى حابارلاما كەلىپ ءتۇستى.
جۇرگىزىلگەن زەردەلەۋ ناتيجەلەرى بارىسىندا ديامەترى 50 مم سۋ قۇبىرىنان سۋ اعۋى سالدارىنان توپىراق ىلعالدانىپ، كوشكىن پايدا بولعانى انىقتالعان.
وقيعا سالدارىنان 6 ساياجاي ءۇيى قيراعان، ولاردىڭ 3ء-ى قاراۋسىز قالعان، تاعى ءبىر ساياجاي جارتىلاي زارداپ شەككەن. قازا بولعاندار مەن زارداپ شەككەندەر جوق.
"شامامەن بالشىق ماسساسىنىڭ كولەمى 50 مىڭ تەكشە مەتر، ۇزىندىعى 200 مەتر، ودان ءارى ءتۇسۋ شامامەن 310 م، الدىن الا جالپى ۇزىندىعى 510 م، ءتۇسۋ ورنىنان ەنى 50 مەتر جانە سوڭىنا تامان 7 م، بيىكتىگى 1-دەن 7 مەترگە دەيىن جەتتى.
قازىرگى ۋاقىتتا اۋماقتى تازارتۋ جۇمىستارى جۇرگىزىلۋدە. زارداپتاردى جويۋ جۇمىستارىنا الماتى وبلىسى تجد، الماتى قالاسى تجد، ق ر تجم №28237 اسكەري ءبولىمى، ق ر تجم اشقج، "قازسەلدەنقورعاۋ" مم، الماتى قالاسى اپاتتار مەديسينا ورتالىعى، الماتى وبلىسى پوليسيا دەپارتامەنتى جانە جەدەل مەديسينالىق جاردەم بريگادالارى جۇمىلدىرىلدى" دەلىنگەن حابارلامادا.
پىكىر قالدىرۋ