ءبىلىم جانە عىلىم مينيسترلىگى 2021-2022 وقۋ جىلىندا باكالاۆرياتقا ءتۇسۋ ءۇشىن 56 مىڭنان استام گرانت بولىنگەنىن حابارلادى.
مينيسترلىك مالىمەتىنشە، بيىل پرەزيدەنت تاپسىرماسى بويىنشا گرانتتاردىڭ جالپى سانى 5000-عا ارتقان.
ءبىلىم بەرۋ گرانتتارىن تاعايىنداۋ كونكۋرسىنا قاتىسۋ ءۇشىن وتىنىشتەردى قابىلداۋ 13 شىلدەدە باستالىپ، 20 شىلدەگە دەيىن جالعاسادى.
ءبىلىم بەرۋ گرانتتارى ەڭبەك جانە حالىقتى الەۋمەتتىك قورعاۋ مينيسترلىگىنىڭ دەرەكتەرىنە جانە جۇمىس بەرۋشىلەردىڭ سۇرانىسقا ي ە ماماندىقتارى تۋرالى اقپاراتىنا سايكەس بولىنگەن.
گرانتتاردىڭ ەڭ كوبى (17028) ينجەنەرلىك، وڭدەۋ جانە قۇرىلىس سالالارىنا بولىنگەن.
ماماندىقتارعا قاراي بولىنگەن گرانتتار سانى:
- پەداگوگيكالىق عىلىمدار – 9573 گرانت؛
- اقپاراتتىق كوممۋنيكاسيالىق تەحنولوگيالار – 7487؛
- جاراتىلىستانۋ عىلىمدارى – 4088؛
- اۋىل شارۋاشىلىعى عىلىمدارى – 1895 گ .؛
- دەنساۋلىق ساقتاۋ سالاسى – 2700؛
- ونەر جانە گۋمانيتارلىق عىلىمدار – 1615 گ .؛
- بيزنەس، باسقارۋ جانە قۇقىق – 1223؛
- الەۋمەتتىك عىلىمدار، جۋرناليستيكا جانە اقپارات ماماندىقتارىنا 960 گرانت ءبولىندى.
"ماڭگىلىك ەل جاستارى – يندۋسترياعا"، "سەرپىن" باعدارلاماسى شەڭبەرىندە دە گرانتتار قاراستىرىلعان.
تالاپكەرلەر قۇجاتتارىن اقپاراتتىق جۇيە ارقىلى تاپسىراتىن بولادى. جوعارى وقۋ ورىندارىندا ۆيرتۋالدى قابىلداۋ كوميسسيالارى جۇمىس ىستەيدى. ماماندار وتكەن جىلداعىداي بەينە بايلانىس ارقىلى تالاپكەرلەرگە كەڭەس بەرەدى.
ال ماگيستراتۋراعا ءتۇسۋ ءۇشىن 13 مىڭنان استام گرانت ءبولىندى. ماگيستراتۋرادا گرانتتاردىڭ كوپ سانى پەداگوگيكالىق ماماندىقتارعا قاراستىرىلعان.
ماماندىقتارعا قاراي بولىنگەن گرانتتار سانى:
- پەداگوگيكالىق ماماندىقتار بويىنشا – 3 642؛
- ينجەنەرلىك، وڭدەۋ جانە قۇرىلىس سالالارىنا – 3429؛
- جاراتىلىستانۋ عىلىمدارى، ماتەماتيكا جانە ستاتيستيكا باعىتى بويىنشا – 1278؛
- اقپاراتتىق-كوممۋنيكاسيالىق تەحنولوگيالار بويىنشا – 1233؛
- اۋىل شارۋاشىلىعى جانە بيورەسۋرستار بويىنشا – 527 گرانت ءبولىندى.
ماگيستراتۋراعا ءتۇسۋ ءۇشىن كەشەندى تەستىلەۋدەن وتۋگە نيەت بىلدىرۋشىلەردى تىركەۋ 18 ماۋسىمنان 15 شىلدەگە دەيىن جالعاسادى. ەمتيحان 20 شىلدەدە باستالادى.
دوكتورانتۋراعا 1890 ءبىلىم بەرۋ گرانتى ءبولىندى.
- ينجەنەرلىك، وڭدەۋ جانە قۇرىلىس سالالارى – 446؛
- پەداگوگيكالىق عىلىمدار – 370؛
- جاراتىلىستانۋ عىلىمدارى، ماتەماتيكا جانە ستاتيستيكا – 292؛
- ونەر جانە گۋمانيتارلىق عىلىمدار – 205.
دوكتورانتۋراعا ءوتىنىش قابىلداۋ جۇرگىزىلىپ جاتىر. قابىلداۋ ەمتيحانى العاش رەت تەستىلەۋ ورتالىقتارى بازاسىندا ەلەكتروندىق فورماتتا وتەدى.
پىكىر قالدىرۋ