اقش-تىڭ بۇرىنعى پرەزيدەنتى دونالد ترامپ 6 قاڭتاردا وتكەن كونگرەسستەگى رەيدتەن كەيىن Facebook، Twitter جانە YouTubeء-تى وزىنە سەنزۋراعا قويعانى ءۇشىن سوتقا بەرەتىنىن مالىمدەدى.
نيۋ-دجەرسيدەگى گولف كلۋبىندا وسى ىسكە قاتىستى مالىمدەمە جاساعان ترامپ، سوت ىسىندە جالعىز تالاپكەر بولاتىنىن، ال ءۇش كومپانيا ۇجىمدىق جاۋاپ بەرۋشى بولاتىنىن مالىمدەدى.
– مەن بۇگىن ەركىندىگىمىز بەن ءسوز بوستاندىعىمىز ءۇشىن وتە ماڭىزدى حابار تاراتۋ ءۇشىن كەلدىم. امەريكالىق ساياسات ينستيتۋتى مەن باس ديرەكتورلارعا، سونداي-اق Facebook، Google جانە Twitter سياقتى ءىرى تەحنولوگيالىق الپاۋىتتارعا قارسى شاعىمدانۋشى رەتىندە ءىرى سوت ءىسىن جۇرگىزىپ جاتىرمىن، – دەدى ترامپ.
ول سوت ءىسى فلوريدا شتاتىنىڭ وڭتۇستىك وكرۋگىندە جۇرگىزىلەتىنىن جانە الەۋمەتتىك مەديا كومپانيالارى رەسمي تۇردە جەكە تۇلعا بولعانىمەن، سوڭعى جىلدارى زاڭ ەرەجەلەرىنەن شىعىپ جەكە بولۋدان قالعانىن اتاپ ءوتتى.
ترامپ الەۋمەتتىك مەديا كومپانيالارىن "ءىس جۇزىندە اقش اكىمشىلىگىنىڭ سەنزۋرا ءبولىمى" دەپ اتادى.
Twitter، YouTube جانە Facebook 6 قاڭتاردا ترامپتى كونگرەسستەگى ءىس-شارالارعا قاتىسى بار جانە 2020 جىلى وتكەن پرەزيدەنت سايلاۋىندا زاڭ بۇزۋشىلىقتارعا باردى دەپ ايىپتاپ، ترامپتىڭ ءوز پلاتفورمالارىنداعى پاراقشالارىن بۇعاتتاعان.
پىكىر قالدىرۋ