اقتوبەدە وسىدان ءورت اي بۇرىن 9-سىنىپتىڭ ءتورت وقۋشىسى 7 جاسار بالاعا قىسىم كورسەتىپ، مەكتەپ ىشىندەگى دارەتحانادا زورلاعان. بۇل تۋرالى ەۋرازيا ارناسىنا ءزابىر كورگەن بالانىڭ اجەسى حابارلاعان.

جابىرلەنۋشى تاراپ تەرگەۋ دۇرىس جۇرگىزىلگەنىنە كۇماندانىپ، بالاسىن قورلاعاندار جازادان سىتىلىپ كەتە مە دەپ الاڭدايدى.

– "تۋالەتتە قولىمدى بۇرادى، قۇلاعىمدى بۇرادى، تەپتى، باسىمنان يتەرىپ قۇلاتتى، ۇردى" دەدى. ۇيگە كەلىپ بالامدى سۋعا تۇسىرەيىن دەسەم، دەنەسىن ۇستاتپايدى، ەش جەرىن جۋعىزبايدى. "جوق، جوق، بولنو" دەپ. سودان ساعان نە ىستەدى دەسەم سول كەزدە "ماعان سونداي ارەكەت جاسادى" دەپ ايتتى. "مەكتەپتىڭ تۋالەتىندە ءتورت بالا ءتيىستى، بىرەۋى وحرانادا تۇردى" دەيدى، – وقۋشىنىڭ اجەسى.

جەتى جاستاعى وقۋشى "قورقام، اپاي كۇتىپ السىن" دەپ مەكتەپكە بارعىسى كەلمەيتىنىن اناسىنا دا ايتقان.  ءبىراق، اناسى ونى بالالىعى بولار دەپ ءمان بەرمەگەن. اجەسى مەكتەپتەگى ۇستازدارى، ديرەكتور كەشىگىپ كەلگەن بالادان نەگە ءمان-جايدى انىقتاماعان دەپ وتىر. ايتۋىنشا، ءدال سول كۇنى بارلىق بەينەكامەرا ىستەپ تۇرعاندا، دارەتحاناعا كىرە-بەرىستەگىسى ىستەن شىعىپ قالعان.

– يمەننو "زاچينششيك" بالا ۇيىمداستىرىپ، "مى تاكوي پلان سترويلي، تەبيا پو-تيحونكۋ پرانكانەم، تۆويا ماما نە ۋزناەت، ەتو ۆسە نورمالنو، دا ەتو نە ستراشنو" دەپ، ءسويتىپ بالامدى ۇرىپ-سوعىپ، زورلاعان يمەننو سول قىزىل كۋرتكاداعى بالا ءقازىر بوستاندىقتا ءجۇر. بۇل بالا ەكى اي بويى تەرگەلگەن جوق. ەندى بارىپ تەرگەۋشىدەن سۇراسام، بۇل بالا اكەسىمەن باسقا جاققا كەتىپ قالدى، ەندى كەلگەسىن تەرگەلەدى دەيدى. ول قاشان كەلەدى؟، – جابىرلەنۋشىنىڭ اجەسى.

وبلىستىق پوليسيا دەپارتامەنتى №3 قالالىق پوليسيا ءبولىمى باسشىسىنىڭ ورىنباسارى رافاەل جانۇزاقوۆ اتالعان دەرەك بويىنشا جاس بالاعا قاتىستى ءناپسىقۇمارلىق سيپاتتاعى كۇش قولدانۋ فاكتىسى بويىنشا قىلمىستىق ءىس قوزعالعان. بارلىق تەرگەۋ ارەكەتتەرى اياقتالعان سوڭ، سونىمەن قاتار ساراپتاما قورىتىندىسى الىنعاننان كەيىن قىلمىستىق ءىس بويىنشا تۇپكىلىكتى پروسەسسۋالدىق شەشىم قابىلدانادى..

بولعان جايتتان كەيىن بالانىڭ پسيحيكاسى بۇزىلعان. بالا 2 اي پسيحولوگ باقىلاۋىندا بولىپ، 1 اپتا اۋرۋحانادا جاتىپ شىققان. دارىگەرلەر ونىڭ دەنساۋلىعىندا كىنارات بار ەكەنىن ايتقان. ءالى دارى-دارمەك ءىشىپ ءجۇر. نەمەرەمنىڭ بالالىق شاعىن ۇرلادى دەپ جىلاعان انا پرەزيدەنتتەن اراشا سۇرايدى! تەرگەۋشىنى ەلوردادان جىبەرىپ، ءىستى تىكەلەي باقىلاۋىنا السا دەيدى.