2021 جىلعى 10 شىلدەدەن باستاپ رەسەي فەدەراسياسىنىڭ مەملەكەتتىك شەكاراسىن كەسىپ ءوتۋ ءۇشىن COVID-19 پتر سىناماسىنىڭ بولۋىن "پۋتەشەستۆۋيۋ بەز COVID-19" باعدارلاماسى ارقىلى راستاۋ قاجەت بولادى. بۇل تۋرالى COVID-19 تارالۋىنا جول بەرمەۋ جونىندەگى ۆەدومستۆوارالىق كوميسسيا ءمالىم ەتتى.
رەسەي فەدەراسياسى باس سانيتارلىق دارىگەرىنىڭ قاۋلىسىنداعى وزگەرىسكە سايكەس ەۋرازيالىق ەكونوميكالىق وداققا مۇشە مەملەكەتتەردىڭ ازاماتتارى (ارمەنيا رەسپۋبليكاسى، بەلارۋس رەسپۋبليكاسى، قازاقستان رەسپۋبليكاسى، قىرعىز رەسپۋبليكاسى جانە رەسەي فەدەراسياسى) 2021 جىلعى 10 شىلدەدەن باستاپ رەسەي فەدەراسياسىنىڭ مەملەكەتتىك شەكاراسىن كەسىپ وتكەن كەزدە "پۋتەشەستۆۋيۋ بەز COVID-19" موبيلدىك قوسىمشاسىن قولدانا وتىرىپ، COVID-19 پتر تەستىنىڭ تەرىس ناتيجەسىن (رەسەي فەدەراسياسىنا كەلگەنگە دەيىن 72 ساعاتتان اسپاعان) راستاۋى قاجەت.
ول ءۇشىن الدىمەن "پۋتەشەستۆۋيۋ بەز COVID-19" قوسىمشانى جۇكتەۋ كەرەك. سودان كەيىن وتىنىمدە كورسەتىلگەن تىزىمنەن ەڭ جاقىن زەرتحانانى تاڭداۋ كەرەك. وسىدان كەيىن پتر سىناعىنان ءوتىپ، ناتيجەسىن العاننان كەيىن QR كودىن سكانەرلەۋ ارقىلى "تەستتەر" بولىمىندەگى قوسىمشاعا جۇكتەۋ كەرەك (كودتى زەرتحانا بەرەدى). شەكارادان وتكەن كەزدە شەكاراشىلارعا وسى كودتى كورسەتۋ قاجەت.
پىكىر قالدىرۋ