اۋعانستاندا جۇمىس ىستەيتىن رەسەيلىك ديپلوماتتار قاۋىپسىزدىك ماقساتىندا وزبەكستانعا كوشىرىلدى، دەپ حابارلادى رەسەي سىرتقى ىستەر مينيسترلىگىنىڭ وكىلى زامير كابۋلوۆ. بۇل تۋرالى Tashkent Times سايتى حابارلادى.
رەسەي فەدەراسياسى پرەزيدەنتىنىڭ اۋعانستان بويىنشا ارنايى وكىلى زامير كابۋلوۆ اۋعانستانداعى جاعدايدىڭ الاڭداۋشىلىق تۋعىزاتىنىن ايتتى.
– ءبىز بولجاعان دۇنيەلەر ورىندالىپ جاتىر، – دەدى كابۋلوۆ.
بۇعان دەيىن رەسەي سىرتقى ىستەر مينيسترلىگىنىڭ رەسمي وكىلى ماريا زاحاروۆا رەسەي اۋعانستانداعى بەيبىتشىلىكتى رەتتەۋ تۋرالى ماسكەۋلىك فورماتتا كەزدەسۋ وتكىزۋ مۇمكىندىگىنە سۇرانىس بولسا، اۋعان تاراپتارى اراسىندا ديالوگ الاڭىن ۇسىنۋعا دايىن ەكەنىن مالىمدەدى.
اۋعانستانداعى قاۋىپسىزدىك جاعدايى وسى جىلدىڭ ءساۋىر ايىندا اقش اسكەرلەرى ەلدەن شىعا باستاعاننان كەيىن ايتارلىقتاي ناشارلاعان. اۋعانستان اقش-تان بولەك ناتو-نىڭ قۇرامىنداعى وزگە ەلدەر دە شىعىپ جاتىر.
پىكىر قالدىرۋ