اتىراۋ وبلىسى بويىنشا ۇلتتىق قاۋىپسىزدىك كوميتەتى قىزمەتكەرلەرى وڭىردە جۇرگىزىلگەن ارنايى وپەراسيا كەزىندە ۇيىمداسقان قىلمىستىق توپتى انىقتادى.
قىلمىستىق توپ مۇشەلەرىنە كاسىپكەرلەردەن اقشا بوپسالاپ، ۇرىپ-سوعۋ جولىمەن ءوندىرىپ الىپ وتىرعان دەگەن ايىپ تاعىلۋدا. سونداي-اق، ولاردىڭ حالىقارالىق قىلمىستىق توپتارمەن بايلانىسى بولۋى مۇمكىن دەگەن كۇدىك تە بار.
ۇيىمداسقان توپتىڭ قۇرامىندا سپورتشىلار، تەرىس ءدىني اعىمنىڭ مۇشەلەرى بار دەپ بولجانۋدا. قازىرگى ۋاقىتتا 5 ادام ۇستالعان. ولاردان بەس سۋىق قارۋ جانە وق-دارىلەر تابىلعان. شامامەن توپتىڭ بەلسەندى مۇشەلەرى سانالاتىن بەس ادامنىڭ ۇشەۋى ۋاقىتشا وقشاۋلاۋ يزولياتورىنا قامالعان، ەكەۋى كۋاگەر رەتىندە ءوتۋى مۇمكىن. ءقازىر تەرگەۋ شارالارى جۇرگىزىلۋدە.
اتالعان ءىس بويىنشا قىلمىستىق كودەكستىڭ 194-بابى 2-بولىگى (بوپسالاۋ) بويىنشا سوتقا دەيىنگى تەرگەۋ باستالدى.
پىكىر قالدىرۋ