قازاقستاننىڭ باس سانيتار دارىگەرى ەرلان قياسوۆ جاڭا قاۋلى جاريالادى. قۇجاتقا سايكەس، كوروناۆيرۋسقا قارسى ۆاكسينا سالدىرماعان قىزمەتكەرلەردىڭ جۇمىسقا كەلۋىنە شەكتەۋ ەنگىزىلەدى.

باس سانيتار دارىگەر قازاقستانداعى مىندەتتى ۆاكسيناسيانىڭ جاڭا مەرزىمىن اتادى.

قۇجاتتا 2021 جىلعى 10 تامىزعا دەيىنگى مەرزىمدە پروفيلاكتيكالىق ۆاكسيناسيانىڭ ءبىرىنشى كومپونەنتىن، ال 2021 جىلعى 1 قىركۇيەككە دەيىنگى مەرزىمدە COVID-19 ۆاكسيناسىنىڭ ەكىنشى كومپونەنتىن سالۋدى ۇيىمداستىرۋ قاجەتتىگى ايتىلادى. بۇل تالاپ تۇراقتى مەديسينالىق قارسى كورسەتىلىمدەرى بار، سوڭعى ءۇش ايدا كوروناۆيرۋسپەن اۋىرعان جۇمىسشىلارعا قاتىستى ەمەس.

شەكتەۋ تومەندەگى ۇيىمداردىڭ قىزمەتكەرلەرى ءۇشىن ەنگىزىلەدى:

• حالىققا قىزمەت كورسەتۋ ورتالىقتارى (حقكو)، "قازپوشتا" اق بولىمشەلەرى، ەكىنشى دەڭگەيدەگى بانكتەر، قارجى نارىعىنىڭ وبەكتىلەرى، ساقتاندىرۋ كومپانيالارى، جىلجىمايتىن مۇلىك جونىندەگى اگەنتتىكتەر، جارناما اگەنتتىكتەرى، ايىرباستاۋ پۋنكتتەرى، لومباردتار؛

• سۇلۋلىق سالوندارى، شاشتارازدار، حيميالىق تازالاۋ ورىندارى، كىر جۋۋ ورىندارى؛

• فيتنەس، سپورت كەشەندەرى، سپورتتىق-ساۋىقتىرۋ ورتالىقتارى، سپا جانە ماسساج سالوندارى/ورتالىقتارى/كابينەتتەرى، مونشالار، ساۋنالار، باسسەيندەر، جاعاجايلار، تيپوگرافيالىق كورسەتىلەتىن قىزمەتتەر؛

• تىگىن اتەلەسى، فوتوسالوندار، اياق كيىم شەبەرحانالارى، گۇل دۇكەندەرىنىڭ، اياق كيىم، كيىم جوندەۋ، ۇيىمداستىرۋ تەحنيكاسىن جوندەۋ جونىندەگى سەرۆيس؛

• نوتاريۋس، بۋحگالتەر جانە كونسالتينگ، مانيكيۋر جانە پەديكيۋر، كوسمەتولوگيالىق قىزمەتتەردى كورسەتۋ جونىندەگى وبەكتىلەر، وزگە دە وبەكتىلەر؛

• حالىقتىڭ تۇرۋى بويىنشا قىزمەتتەر كورسەتۋ سالاسىنداعى وبەكتىلەر (قوناق ۇيلەر، وتەلدەر، حوستەلدەر، موتەلدەر، جاتاقحانالار، كەمپينگتەر جانە تاعى باسقالار)؛

• جولاۋشىلار تاسىمالىن جۇزەگە اسىراتىن ۇيىمدار، اۋەجايلار، تەمىرجول، اۆتوموبيل جانە سۋ ۆوكزالدارى، وزەن جانە تەڭىز پورتتارى، اۆتوستانسيالار/اۆتووتپە جولدارىن، جولاۋشىلارعا قىزمەت كورسەتۋ پۋنكتتەرى؛

• قوعامدىق تاماقتانۋ وبەكتىلەرى، ونىڭ ىشىندە ۇيىمداسقان ۇجىمداردا ورنالاسقان، سونداي-اق تاماق جەتكىزۋدى جۇزەگە اسىراتىن وبەكتىلەر، ستريت-فۋدتار؛
• دەمالىس وبەكتىلەرى، ويىن-ساۋىق ويىن وبەكتىلەرى (كومپيۋتەرلىك كلۋبتار، بيليارد زالدارى، بوۋلينگتەر، ويىن-ساۋىق ورتالىقتارى/ساياباقتارى، اتتراكسيوندار، اكۆاپاركتەر، كاراوكە، لوتەرەيا كلۋبتارى جانە لوتەرەيا بيلەتتەرىن ساتۋ جونىندەگى وزگە دە پۋنكتتەر/نۇكتەلەر جانە باسقالار)؛

قاۋلى 15 شىلدەدە ساعات 00:00-دەن باستاپ كۇشىنە ەنەدى.