"كوروناۆيرۋسقا قارسى ۆاكسينا سالدىرعاندار ەكى جىلدان كەيىن قايتىس بولادى" دەگەن قاۋەسەتكە قوعامدىق دەنساۋلىق ساقتاۋ ۇلتتىق ورتالىعىنىڭ ديرەكتورىنىڭ ورىنباسارى مانار سماعۇل جاۋاپ بەردى.

مانار سماعۇل حالىقتى ەل اراسىنداعى قاۋەسەتتەرگە سەنبەۋگە شاقىرىپ، ءار ادام رەسمي اقپاراتتى قولدانىپ شەشىم قابىلداۋ كەرەكتىن ايتتى.

– ءقازىر ادامدارعا جالعان اقپارات بەرىلىپ جاتىر. ۆاكسينانى دەنساۋلىق ساقتاۋ سالاسىندا بىرنەشە جىلدان بەرى قولدانىپ كەلەمىز. وزدەرىڭىز بىلەيتىندەي جاڭادان تۋعان بالالارعا، قىزىلشا، قىزامىق پنيەۆموكوكك (دەنە قىزۋىنىڭ ارتۋى، السىزدىك، دەنە اۋرۋى، مۇرىن-اۋىز قۋىسىنداعى جاعىمسىز سەزىنۋلەر، باس اۋرۋى – رەد.) جۇقپاسىنا قارسى ۆاكسينا سالىنىپ ءجۇر. ولاردىڭ تيىمدىلىگى بۇگىندە دالەلدەنگەن.

ال كوروناۆيرۋسقا قارسى ۆاكسيناعا توقتالساق، بىلتىر جەلتوقساننان وزگە ەلدەردە ەكپەنى قولدانۋ باستالدى. ەكى جىلدان كەيىن ءولىم-جىتىم بولادى دەگەن "جالعان" اقپارات، – دەپ جاۋاپ بەردى ول.

دەنساۋلىق ساقتاۋ مينيسترلىگىنىڭ مالىمەتىنە سەنسەك، 14 شىلدەدە قازاقستاندا كوروناۆيرۋس ينفەكسياسىنا قارسى ۆاكسينانىڭ ءبىرىنشى كومپونەنتىن 4 705 675 ادام، ەكىنشى كومپونەنتىن 2 597 505 ادام سالدىرعان.