كاسىپكەر، قوعام بەلسەندىسى سانجار بوقايەۆ الەۋمەتتىك جەلىدەگى پاراقشاسىندا "تيىمدىلىگى تومەن، قاجەت ەمەس" مينيسترلىكتەردى جابۋدى ۇسىندى.
– مينيسترلىكتەردىڭ سانىن ءوسىرىپ، ۇكىمەتىمىزدەن قايتادان "بەگەموت" جاساپ جاتىرمىز. مىسالى، پلانەتانىڭ ەڭ ءىرى ەكونوميكاسى بولىپ تابىلاتىن اقش-تا 15 مينيسترلىك بولسا، رەسەي فەدەراسياسىندا 17 مينيسترلىك بار ەكەن. ءبىراق قازاقستاندا ولاردان دا كوپ – 18 مينيسترلىك. مۇمكىن ءبىزدىڭ ەكونوميكامىزدىڭ كولەمى اقش پەن رەسەيگە قاراعاندا ۇلكەندەۋ جانە قۇرىلىمدىق جاعىنان كۇردەلى شىعار، – دەگەن بەلسەندى "قاجەت ەمەس مينيسترلىكتەردى، كوميتەتتەر مەن ۆەدومستۆولاردى جابۋ كەرەك" دەگەن پىكىردە.
ونىڭ ايتۋىنشا، قازاقستاندا كوپشىلىگى اەروعارىش ونەركاسىبى مينيسترلىگىنىڭ بار ەكەنىن دە بىلمەيدى. وسى مينيسترلىكتەن “بايقوڭىر” كوسمودرومىنىڭ قولدانىلۋ پەرسپەكتيۆاسىن زەرتتەۋگە 112 ملن تەڭگە قارجى بولىنگەن.
– قاسىم-جومارت توقايەۆتىڭ بايقوڭىردى جالعا بەرۋ ۋاقىتىن 2050 جىلعا دەيىن ۇزارتۋ تۋرالى قۇجاتتارعا قول قويعانىن نازارعا الساق، بۇل ءازىل سياقتى ەستىلەدى. ەگەر ءبىز بۇل كوسمودرومدى 2050 جىلعا دەيىن باسقارمايتىن بولساق بۇل زەرتتەۋدىڭ نە كەرەگى بار؟ بايقوڭىردى رەسەيگە بولمايتىن تيىنعا وتكىزىپ جىبەرۋدىڭ ورنىنا، وسى جەردە جاڭا تەحنولوگيالاردى دامىتۋى ءۇشىن يلون ماسكپەن (امەريكالىق ينجەنەر - رەد) حابارلاسىپ بارلىق مۇمكىندىكتەردى جاساۋعا بولماس پا ەدى؟ – دەدى س. بوقايەۆ.
قوعام بەلسەندىسى سوڭعى ۋاقىتتا ۇكىمەتتىڭ ءتيىمسىز جۇمىسىن، اۆتوونەركاسىپ سالاسىنداعى كوزبوياۋشىلىقتاردى، بيلىكتى جانە جەمقورلىقپەن كۇرەس ارەكەتتەرىن قاتتى سىناپ ءجۇر.
پوسموترەت ەتۋ پۋبليكاسيۋ ۆ Instagram
پىكىر قالدىرۋ