شىمكەنتتەگى مەيرامحانا قىزمەتكەرلەرى قالالىق باس سانيتار دارىگەردىڭ قاۋلىسىنا نارازىلىق ءبىلدىرىپ، ۆيدەو ءتۇسىردى. ۆيدەونى aibat_news الەۋمەتتىك پاراقشاسى جاريالادى.
قالالىق باس سانيتار دارىگەردىڭ قاۋلىسىنا سايكەس، تاماقتانۋ ورىندارى كەشكى ساعات 8-گە دەيىن عانا جۇمىس ىستەي الادى. شەشىم شىققان ءبىرىنشى كۇنى كوپتەگەن مەيرامحانالار كەلۋشىلەردىڭ ازدىعىنا بايلانىستى شىعىنعا باتقاندارىن ايتادى. ءتىپتى كەيبىر تاماقتانۋ ورىندارى جابىلۋعا ءماجبۇر بولعان. جۇزدەگەن اسپازدار مەن داياشىلار اقىسىز دەمالىسقا جىبەرىلگەن.
– مەن كۇنىنە 200 مىڭ تەڭگە شىعىنعا باتامىن. مەنىڭ قارىزىمدى كىم جابادى؟ تاستاۋعا تۋرا كەلەتىن ازىق-تۇلىكتەر بار، ويتكەنى ولار بۇلىنەدى. قىزمەتكەرلەردىڭ جالاقىسى، كوممۋنالدىق قىزمەتتەرگە جۇمسالاتىن شىعىندار بار، – دەدى "پرەميۋم-كلاسس" مەيرامحاناسىنىڭ باسقارۋشىسى ايگۇل تەلەۋبايەۆا.
– ءبىر تاماقتانۋ ورنىن جابۋ ماعان ورتاشا ەسەپپەن 1،5-3 ميلليون تەڭگە شىعىن الىپ كەلەدى. مەن ولاردىڭ ۇشەۋىن جاپتىم. ولاردى جاڭا تاسىلمەن ىسكە قوسۋ ءۇشىن تاعى وسىنداي سومادا اقشا كەرەك، – دەدى مەيرامحانالار جەلىسىنىڭ باسقارۋشىسى يۋليا كۋريلەنكو.
قيىندىقتارعا بايلانىستى كاسىپكەرلەر، مەملەكەتتەن قارجىلىق قولداۋ كورسەتۋدى جانە ولاردى ءبىراز ۋاقىتقا سالىق تولەۋدەن بوساتۋدى نەمەسە بۇيرىقتى وزگەرتۋدى جانە ءتۇن ورتاسىنا دەيىن جۇمىس ىستەۋگە مۇمكىندىك بەرۋدى سۇرايدى.
پوسموترەت ەتۋ پۋبليكاسيۋ ۆ Instagram
پىكىر قالدىرۋ