شىعىس قازاقستان وبلىسىنىڭ ماقانشى-جالاڭاشقۇل تاس جولىندا جول اپاتى بولىپ، سالدارىنان جۇرگىزۋشىلەردىڭ ايەلدەرى مەن بالالارى وقيعا ورنىندا قايتىس بولدى. بۇل تۋرالى وبلىستىق پوليسيا دەپارتامەنتى حابارلادى.
جول اپاتىنىڭ ۆيدەوسى osa_uka_vko Instagram پاراقشاسىندا جاريالاندى.
قايعىلى وقيعا كەشە ساعات 15:10-دا ءۇرجار اۋدانىندا بولعان. ماقانشى-جالاڭاشكول تاس جولىندا ءۇش اۆتوموبيل – Geely، Kia Sportage جانە Lada 21154-30 سوقتىعىسقان.
"Geely جۇرگىزۋشىسىنىڭ 48 جاستاعى ايەلى مەن 13 جاستاعى ۇلى، سونداي-اق لادا جۇرگىزۋشىسىنىڭ 47 جاستاعى ايەلى مەن 18 جاستاعى قىزى وقيعا ورنىندا قايتىس بولدى. ەكى كولىك جۇرگىزۋشىسى مەن ءبىر جولاۋشى ءتۇرلى دەنە جاراقاتىمەن ماقانشى اۋداندىق اۋرۋحاناسىنا جاتقىزىلدى" دەلىنگەن دەپارتامەنت تاراتقان حابارلامادا.
قازىرگى ۋاقىتتا قىلمىستىق كودەكستىڭ 345-بابى، 4-بولىگى (جول ەرەجەلەرىن بۇزۋ، ابايسىزدا ەكى نەمەسە ودان دا كوپ ادامنىڭ ولىمىنە اكەپ سوعۋ) بويىنشا سوتقا دەيىنگى تەرگەۋ باستالدى.
پوسموترەت ەتۋ پۋبليكاسيۋ ۆ Instagram
پىكىر قالدىرۋ