اقتوبە وبلىسىنا قاراستى تەمىر اۋدانىندا ەكى جەڭىل كولىك سوقتىعىسىپ، ەكى جۇرگىزۋشى كوز جۇمدى.
قايعىلى وقيعا بۇگىن ساعات 14:00-دە بولعان. كەڭقياق-سارىكول تاسجولىندا ۆاز-2115 جانە ۆاز-2110 اۆتوكولىكتەرى سوقتىعىسقان.
سالدارىنان ەكى اۆتوكولىكتىڭ جۇرگىزۋشىلەرى وقيعا ورنىندا قايتىس بولدى. ۆاز-2115 اۆتوكولىگىنىڭ 83 جاستاعى جولاۋشىسى اۋداندىق اۋرۋحاناعا جاتقىزىلدى.
اتالعان ءىس بويىنشا قىلمىستىق كودەكستىڭ 356-باپتىڭ 2-بولىگى (ابايسىزدا ادام ولىمىنە اكەپ سوققان جول قوزعالىسى ەرەجەسىن بۇزۋ) بويىنشا سوتقا دەيىنگى تەرگەۋ باستالدى.
ءقازىر جول-كولىك وقيعاسىنىڭ سەبەبى انىقتالىپ جاتىر.
پىكىر قالدىرۋ