دەنساۋلىق ساقتاۋ ءمينيسترى الەكسەي سوي ەلدەگى ەپيدەميولوگيالىق جاعداي جانە ۆاكسيناسيالاۋ بارىسىن باياندادى.

– بىلتىرعى جاعدايمەن سالىستىرعاندا بيىل پاندەمياعا دايىندىعىمىز جاقسى. توسەك ورىن جەتكىلىكتى، دارى-دارمەك قورى دا بار. جۇيە جولعا قويىلعان. مەديسينا قىزمەتكەرلەرى دە ۇيرەندى. ولاردىڭ 90 پروسەنتى ۆاكسينا الدى. جاڭا اۋرۋحانالار سالىنىپ، كوۆيدكە شالدىققان ادامداردى ەمدەپ جاتىرمىز، – دەدى ول "حابار 24" تەلەارناسىنداعى تىكەلەي ەفير كەزىندە.

ءمينيستردىڭ ايتۋىنشا، قىركۇيەك ايىنا دەيىن 5 ملن قازاقستاندىق ەكپە سالدىرادى. بالالار ۆاكسينا سالۋ اتا-انالارىنىڭ رۇقساتىمەن جۇرگىزىلەدڭ.

– ءقازىر تاۋلىگىنە 6600 جاعداي تىركەلىپ جاتىر. تامىز ايىندا ەلدە تاۋلىگىنە 11 مىڭ ادام كوروناۆيرۋسقا شالدىعۋى مۇمكىن. بۇل – پەسسيميستىك بولجام. رەاليستىك تۇرعىدا 9 مىڭنىڭ شاماسىندا تىركەلەدى. ياعني كەلەر ايدا دەرتتىڭ اسقىنۋى شارىقتاۋ شەگىنە جەتەدى، – دەپ اتاپ ءوتتى الەكسەي سوي.