قازاقستاننىڭ بەلگىلى كارديوحيرۋرگى سەرىك بەكبوسىنوۆ 41 جاسىندا دۇنيەدەن ءوتتى. بۇل تۋرالى ۇلتتىق عىلىمي كارديوحيرۋرگيا ورتالىعى الەۋمەتتىك جەلىدەگى پاراقشاسىندا حابارلادى.
"سەرىك بەكبوسىنوۆ №2 كارديوحيرۋرگيا بولىمشەسىنىڭ مەڭگەرۋشىسى جانە جۇرەك-قانتامىر حيرۋرگياسى سالاسىنداعى ۇزدىك مامانداردىڭ ءبىرى بولدى. ول جۇرەكتىڭ جاساندى سول قارىنشاسىن يمپلانتاسيالاۋ بويىنشا وپەراسيا جاساعان الەمدەگى ەڭ جاس كارديوحيرۋرگ رەتىندە قازاقستان كارديولوگتارى قاۋىمداستىعىمەن ماراپاتتالعان.
ارىپتەستەرى مەن پاسيەنتتەر ونى مەيىرىمدىلىگى مەن كاسىبيلىگى ءۇشىن جاقسى كوردى جانە قۇرمەتتەدى" دەلىنگەن حابارلامادا.
سەرىك بەكبوسىنوۆ "دەنساۋلىق ساقتاۋ ىسىنە قوسقان ۇلەسى ءۇشىن" ءتوس بەلگىسىمەن ماراپاتتالعان، تۇڭعىش پرەزيدەنت قورىنىڭ لاۋرەاتى، ۇلتتىق ناگرادا – "ەرەن ەڭبەگى ءۇشىن" مەدالىن العان.
پىكىر قالدىرۋ