پرەزيدەنت قاسىم-جومارت توقايەۆ بەلگىلى كارديوحيرۋرگ سەرىك بەكبوسىنوۆتىڭ وتباسى مەن جاقىن تۋىستارىنا كوڭىل ايتتى. بۇل تۋرالى ونىڭ باسپا ءسوز حاتشىسى بەرىك ءۋالي الەۋمەتتىك جەلىدەگى پاراقشاسىندا جازدى.
"سەرىك تەمىرحان ۇلى ۇلتتىق عىلىمي كارديوحيرۋرگيا ورتالىعىندا قىزمەت ەتىپ، جۇرەك-قان تامىرلارى حيرۋرگياسى سالاسىنداعى ۇزدىك مامانداردىڭ ءبىرى اتاندى. جۇرەككە وتا جاساعان الەمدەگى ەڭ جاس كارديوحيرۋرگ رەتىندە ەڭبەگى جوعارى باعالاندى. كوپتەگەن ادامنىڭ ءومىرىن امان الىپ قالدى.
وتانىمىزعا ادال ەڭبەك ەتىپ، ءوز ءىسىنىڭ بىلگىر مامانى رەتىندە سوڭىنا وشپەس ءىز قالدىرعان سەرىك تەمىرحان ۇلىنىڭ جارقىن بەينەسى ۇمىتىلمايدى، دەلىنگەن جەدەلحاتتا.
20 شىلدەدە قازاقستاننىڭ بەلگىلى كارديوحيرۋرگى سەرىك بەكبوسىنوۆ 41 جاسىندا دۇنيەدەن وتكەن بولاتىن.
