زەرتتەۋشىلەر تەلەفونى تىڭدالعان 2000 ادام ىشىندە ساياسي جانە ىسكەرلىك ورتا تۇلعالارى، قازاقستاننىڭ ەكس-پرەزيدەنتى، قاۋىپسىزدىك كەڭەسىنىڭ ءتوراعاسى نۇرسۇلتان نازاربايەۆتىڭ باسەكەلەستەرى كوپتەپ جۇرگەنىن ايتادى. ورتالىق بۇل ادامداردى اڭدۋعا تاپسىرىس قازاقستان ۇكىمەتى تاراپىنان بەرىلگەن بولۋى مۇمكىن ەكەنىن جازدى.
Pegasus – الەم بويىنشا مىڭداعان ادامدى اڭدۋمەن اينالىساتىن تىڭشى باعدارلاماسى. جەمقورلىق پەن ۇيىمداسقان قىلمىستى زەرتتەۋ ورتالىعىنىڭ مالىمەتىنشە، جۋرناليستەر باعدارلامانىڭ ىقتيمالدى نىساناسى بولعان 50 مىڭ ادامنىڭ ءتىزىمىن قولعا تۇسىرگەن. ولاردىڭ اراسىندا تىڭدالعان 2000 قازاقستاندىق بار.
تىزىمدە اتى-جوندەرى اتالاتىن رەسمي تۇلعالار بۇعان بايلانىستى ازىرگە پىكىر بىلدىرگەن جوق. ال جۋرناليست سەرىكجان ماۋلەتباي مەن قۇقىققورعاۋشى باقىتجان تورەعوجينا تەلەفونى تىڭدالاتىنىن بۇرىننان اڭعارعانىن ايتىپ، مۇنى كاسىبي قىزمەتىمەن بايلانىستىرادى.
پىكىر قالدىرۋ