​ماڭعىستاۋ وبلىسىنىڭ اكىمدىگى مەن ق ر اۋىل شارۋاشىلىعى مينيسترلىگى اراسىنداعى كەلىسىمگە سايكەس، وڭىرگە 546،304 توننا ارپا جەتكىزىلدى.

مۇنى «ازىق-تۇلىك كەلىسىم-شارت كورپوراسياسى» ارقىلى «كاسپيي» اكك» اق وبلىستىق قازىنادان بولىنگەن قارجىعا جۇزەگە اسىرىپ وتىر. ماقسات – ارپانىڭ باعاسىن ارزانداتىپ، ءوڭىر شارۋالارىنا قولجەتىمدى باعادا جەم جەتكىزۋ.

ءقازىر 1 توننا ارپانىڭ نارىقتاعى ورتاشا باعاسى 112 مىڭ تەڭگە. ال، «ازىق-تۇلىك كەلىسىم-شارت كورپوراسياسى» ارقىلى جەتكىزىلىپ جاتقان ءبىر توننا ارپانىڭ ساتىلىمداعى باعاسى 92 مىڭ تەڭگە.

​بۇگىن توعىز ۆاگونعا ارتىلعان ارپا جەمى ءوڭىر ستانسيالارىنا كەلىپ توقتادى. ءتۇپقاراعان، مۇنايلى اۋداندارىنا ءۇشىن 5 ۆاگون، جاڭاوزەن قالاسى مەن قاراقيا اۋدانى ءۇشىن 2 ۆاگون، ماڭعىستاۋ اۋدانى ءۇشىن ءبىر ۆاگون ءبولىندى.
​قابىلداۋعا ىڭعايلى بولۋ ءۇشىن جانە ودان ءارى مال شارۋاشىلىقتارى اراسىندا تاراتۋ ءۇشىن ارپا 45-50 كگ قاپتارعا سالىنعان.

​الداعى ۋاقىتتا بۇل باعىتتاعى جۇمىستار جالعاسادى.