قىتايدىڭ چجەنچجوۋ قالاسىنا تولاسسىز جاۋعان جاڭبىر سالدارىنان 12 ادام قايتىس بولىپ، مىڭداعان ادام ەۆاكۋاسيالاندى، دەپ جازادى ۆۆس.
حەنان پروۆينسياسىنداعى تاسقىننان 500-دەن استام ادام قۇتقارىلىپ، 200 مىڭنان استام ادام ۇيلەرىنەن ەۆاكۋاسيالاندى. اپاتتىڭ ۆيدەولارى الەۋمەتتىك جەلىدە تاراپ جاتىر.
زارداپ شەككەندەردى قۇتقارۋ ءۇشىن ايماقتارعا اسكەر جۇمىلدىرىلعان. چجەنچجوۋ قالاسىندا قازا تاپقاندار سانى ءالى دە ارتۋى مۇمكىن دەگەن الاڭداۋشىلىق بار.
– مەن چجەنچجوۋدا تۇرعالى ومىرىمدە بۇگىنگىدەي جاڭبىر كورگەن ەمەسپىن، – دەدى ۆان گيرونگ اتتى 56 جاستاعى جۇڭگو ازاماتى.
94 ملن تۇرعىنى بار حەنان پروۆينسياسىندا قايتادان بوگەتتىڭ قۇلاپ كەتۋ ءقاۋپى بار.
بي-بي-سي مالىمەتىنشە سوڭعى ءۇش كۇندە چجەنچجوۋدا جاۋعان نوسەر مولشەرى ءبىر جىلدىق جاۋىن-شاشىنعا تەڭ بولعان.
Watch: Touching moments during flood rescue in #Henan pic.twitter.com/zT3vuuVCSy
— CGTN (@CGTNOfficial) July 21، 2021
پىكىر قالدىرۋ