الماتى قالاسىنىڭ باس سانيتار دارىگەرى جانداربەك بەكشين وڭىرلىك كوممۋنيكاسيالار قىزمەتىندە وتكەن بريفينگتە ۆاكسينا قارقىنىنىڭ جەتكىلىكسىزدىگىنەن جانە ناۋقاستار سانىنىڭ ارتۋى سالدارىنان قالادا كارانتين شارالارىن كۇشەيتكەنىن ايتتى.

بەكشيننىڭ سوزىنشە، قالادا ەپيدەميولوگيالىق جاعداي كۇرت ناشارلاعان. وتكەن تاۋلىكتە مەگاپوليستە 1 080 جۇقتىرۋ جاعدايى تىركەلگەن.

– مۇنداي ءوسىم دەنساۋلىق ساقتاۋ جۇيەسىنە، مەديسينا قىزمەتكەرلەرىنە قيىندىق تۋدىرادى. ويتكەنى يممۋندىق قابات ءالى دە جەتىلمەگەن. قالاداعى جاعدايدى تۇراقتاندىرۋ ءۇشىن بىزگە حالىقتىڭ 70% ۆاكسينا سالدىرۋى قاجەت. بۇگىندە بىزدەگى مالىمەت بويىنشا يممۋندىق قابات 40%-دى قۇرايدى. كوروناۆيرۋستىڭ تارالۋى يممۋندالماعان جانە اۋىرماعان ازاماتتار اراسىندا ءجۇرىپ جاتىر، – دەدى قالانىڭ باس سانيتار دارىگەرى.

سونداي-اق ول ۆيرۋس جۇقتىرعانداردىڭ ءوسۋى "دەلتا" شتاممىنىڭ تارالۋىمەن بايلانىستى ەكەنىن ايتتى. بۇل شتامم وتە جۇقپالى ءارى اۋىر كلينيكالىق كورىنىستەردى تۋدىراتىنىن دا اتاپ ءوتتى.

– سوڭعى اپتادا "سيمپتومدىق" ناۋقاستاردىڭ ۇلەس سالماعىنىڭ 88%-دان 90%-عا دەيىن ءوسۋى بايقالدى. كۆي اۋرۋشاڭدىعى 1،4 ەسە ءوستى، تاۋلىكتىك ءوسىم 1%-دان استى. بۇل اسا قاتاڭ شەكتەۋ شارالارىن ەنگىزۋدى تالاپ ەتەتىنىن، قوعامدا كۆي تارالۋىنىڭ جوعارى ءوسۋ قارقىنىن كورسەتەدى، – دەدى ج. بەكشين.

ول "دەلتا" شتاممىنىڭ جۇقپالىلىعى "بريتاندىق" شتاممنان الدەقايدا جوعارى ەكەنىن ايتتى.