بوكستان قازاقستان كومانداسىنىنىڭ وكىلى ابىلايحان ءجۇسىپوۆ توكيو وليمپياداسىندا جەڭىلىسكە ۇشىرادى، دەپ حابارلادى Olympic.kz سايتى.
69 كەلى سالماق دارەجەسىندە سىنعا تۇسكەن ابىلايحان امەريكالىق دجونسون دەلانتەمەن كەزدەسىپ، 1:4 ەسەبىمەن جەڭىلدى.
وسىلايشا، 2004 جىلعى ويىنداردان بەرى كەلە جاتقان ءداستۇر ءۇزىلىپ، قازاقستان بوكستان 69 كەلىگە دەيىنگى سالماقتا جۇلدەسىز قالدى. بۇل سالماقتا قازاقستان 2004 جىلدان بەرگى وليمپيادالاردا التىن الىپ كەلگەن. 2004 جىلى افينى ويىندارىندا باحتيار ارتايەۆ، 2008 جىلى بەيجىڭ وليمپياداسىندا باقىت سارسەكبايەۆ، 2012 جىلى لوندون ويىندارىندا سەرىك ساپييەۆ، 2016 جىلى ريو ويىندارىندا دانيار ەلەۋسىنوۆ وسى سالماقتا وليمپيادا چەمپيونى اتانعان.
توكيو وليمپياداسىندا قازاقستان بوكس قۇراماسىنىڭ 3 وكىلى – ساكەن بيبوسىنوۆ، سەرىك تەمىرجانوۆ، زاكىر سافيۋللين كەلەسى كەزەڭگە جولداما الدى.
پىكىر قالدىرۋ