وقۋشىلاردى 1-سىنىپقا قابىلداۋ 1 تامىزعا دەيىن جالعاسادى. بۇل تۋرالى ءبىلىم جانە عىلىم مينيسترلىگىنىڭ رەسمي سايتى حابارلادى.
– ءبىز قۇجاتتاردى قابىلداۋ مەرزىمىن ۇزارتتىق. ەندى قۇجاتتاردى قابىلداۋ 4 ايعا سوزىلادى. بۇل اتا-انالارعا دا، مەكتەپ اكىمشىلىكتەرىنە دە وقۋ پروسەسىنە دايىندىقتى الدىن الا ويلاستىرۋعا مۇمكىندىك بەرەدى. سونداي-اق 10 تامىزدان كەيىن مەكتەپتەردە دايىندىق توبى جۇمىسىن باستايدى، وعان اتا-انالاردىڭ قالاۋى بويىنشا مەكتەپكە دەيىنگى مەكەمەلەرگە بارماعان نەمەسە مەكتەپالدى دايارلىقتان وتپەگەن بالالار بارا الادى، – دەدى بعم مەكتەپكە دەيىنگى جانە ورتا ءبىلىم كوميتەتى ءتورايىمى مايرا مەلدەبەكوۆا.
مينيسترلىكتىڭ مالىمەتىنشە، ءبىرىنشى سىنىپقا قابىلداۋ ءۇشىن 310 مىڭنان استام ءوتىنىش تۇسكەن. جالپى وتىنىشتەردى قابىلداۋ ەgov.kz پورتالى ارقىلى ەلەكتروندىق فورماتتا جۇرگىزىلەدى. مەكتەپكە قابىلداۋ ءۇشىن تومەندەگى قۇجاتتاردى ۇسىنۋ قاجەت:
- بالانىڭ دەنساۋلىق جاعدايى تۋرالى قۇجاتتار (بالانىڭ دەنساۋلىق پاسپورتى №026/ۋ-3، №063/ۋ نىسانى بويىنشا مەديسينالىق انىقتاما)؛
- بالانىڭ 3ح4 سۋرەتى.
پىكىر قالدىرۋ