2021 جىلعى 1 شىلدەدەگى جاعداي بويىنشا 15 796 مىڭ شەتەلدىك ازامات جەرگىلىكتى اتقارۋشى ورگانداردىڭ رۇقساتى بويىنشا قازاقستاندا ەڭبەك ەتىپ جاتىر، دەپ حابارلادى ەڭبەك جانە حالىقتى الەۋمەتتىك قورعاۋ مينيسترلىگىنىڭ باسپا ءسوز قىزمەتى.

– شەتەلدىك جۇمىس كۇشىن (شجك) تارتۋعا بەرىلگەن رۇقساتتاردىڭ ىشىندە مىناداي ساناتتار بار: ءبىرىنشى سانات – 651 (باسشىلار جانە ولاردىڭ ورىنباسارلارى)، ەكىنشى سانات – 3 281 (قۇرىلىمدىق بولىمشەلەردىڭ باسشىلارى). تارتىلعان شجك-نىڭ نەگىزگى بولىگى ءۇشىنشى (ماماندار) جانە ءتورتىنشى (بىلىكتى جۇمىسشىلار) ساناتتارعا جاتادى – تيىسىنشە 7 600 ادام جانە 410 ادام.

"ماۋسىمدىق جۇمىستارعا – 1 939 ادام، ال كورپوراتيۆتىك اۋىستىرۋ شەڭبەرىندە – 1915 ادام تارتىلعان" دەلىنگەن مالىمدەمەدە.

ءقازىر قازاقستاندا شجك پايدالاناتىن 1 793 جۇمىس بەرۋشى بار. ولاردا شامامەن 484 مىڭ قازاقستان ازاماتى جۇمىس ىستەيدى، بۇل جالپى جۇمىسشىلار سانىنىڭ 97%-ىن قۇرايدى.

ەڭبەكشى ميگرانتتار شىعاتىن نەگىزگى ەلدەر تومەندەگىدەي:

جۇڭگو – 3 782 ادام، وزبەكستان – 1 953 ادام، تۇركيا – 1 633 ادام، ءۇندىستان – 1 051 ادام، ۆەنگريا – 992 ادام، ۇلىبريتانيا – 959 ادام.