قازاقستاننىڭ باس سانيتار دارىگەرى ەرلان قياسوۆ COVID-19 كوروناۆيرۋستىق ينفەكسياسىنىڭ تارالۋىنىڭ الدىن الۋ ماقساتىندا جاڭا قاۋلى جاريالادى.
جاڭا قاۋلىعا سايكەس تومەندەگى كاسىپكەرلىك وبەكتىلەر "Ashyq" جوباسىن ەنگىزۋدى جانە ىسكە اسىرۋدى جالعاستىرۋى ءتيىس:
- يوگا ورتالىقتارىن قوسا العاندا، فيتنەس-كلۋبتارى؛
- سپا-ورتالىقتارى، مونشالار، ساۋنالار، باسسەيندەر؛
- PlayStation كلۋبتارىن قوسا العاندا، كومپيۋتەرلىك كلۋبتار؛
- بوۋلينگ كلۋبتارى، كينوتەاترلار، تەاترلار مەن فيلارمونيالار؛
- اسحانا تيپىندەگى وبەكتىلەردى، ستريت-فۋدتاردى قوسپاعاندا، قوعامدىق تاماقتانۋ وبەكتىلەرى، جازعى الاڭدار، فۋد-كورتتار، بانكەت زالدارى؛
- اسحانا تيپىندەگى قوعامدىق تاماقتانۋ وبەكتىلەرى؛
- وبلىسارالىق جانە قالالىق تۇراقتى ەمەس (تۋريستىك) تاسىمالدار، وبلىسارالىق جانە وبلىسىشىلىك تۇراقتى تاسىمالدار؛
- بيليارد كلۋبتارى، كونسەرت زالدارى، كاراوكە، كورمەلەر، وكەاناريۋم، مارافوندار؛
- كورەرمەندەر قاتىساتىن سپورتتىق ءىس-شارالار، اۋەجايلار؛
- لوتەرەيا كلۋبتارى جانە لوتەرەيا ساتاتىن وزگە دە ورىندار؛
- بالالاردىڭ (جابىق) ويىن-ساۋىق ورتالىقتارى، سيركتەر؛
- وتەلدەر، قوناق ۇيلەر؛
- حالىققا قىزمەت كورسەتۋ ورتالىقتارى؛
- تەمىر جول ۆوكزالدارى جانە اۆتوۆوكزالدار؛
- (جابىق جانە اشىق) بازارلار، ساۋدا-ويىن-ساۋىق ورتالىقتارى، (ازىق تۇلىك ەمەس) ساۋدا ۇيلەرى، ساۋدا جەلىلەرى؛
- بالالاردى ساۋىقتىرۋ ورتالىقتارى (جۇمىسكەرلەر، (پەرسونال) ءۇشىن)؛
- بۋكمەكەرلىك كونتورالار؛
- سۇلۋلىق ورتالىقتارى مەن سالوندارى، شاشتارازدار، مانيكيۋر مەن پەديكيۋر قىزمەتتەرىن كورسەتۋ، كوسمەتيكالىق جانە كوسمەتولوگيالىق قىزمەتتەر كورسەتۋ سالوندارى؛
- جوعارى وقۋ ورىندارىن، كوللەدجدەردى جانە ءبىلىم بەرۋ ورتالىقتارىن قوسا العاندا، ءبىلىم بەرۋ وبەكتىلەرى (قىزمەتكەرلەر (پەرسونال)، 18 جاستان اسقان ادامدار ءۇشىن)؛
- سپورت كەشەندەرى، سپورتتىق-ساۋىقتىرۋ ورتالىقتارى.
قاۋلى قول قويىلعان كۇنىنەن باستاپ كۇشىنە ەنەدى.
پىكىر قالدىرۋ