نۇر-سۇلتان، الماتى، شىمكەنت قالاسى جانە اتىراۋ، قاراعاندى وبلىستارىندا كارانتين شارالارىنا وزگەرىستەر ەنگىزىلەدى. بۇل تۋرالى باس سانيتار دارىگەر ەرلان قياسوۆ مالىمدەدى.
اتالعان وڭىرلەردە 2 تامىزدان باستاپ تومەندەگىدەي شارالار ەنگىزىلەدى:
- ورتالىق مەملەكەتتىك ورگانداردى، اكىمدىكتەردى، قۇقىق قورعاۋ ورگاندارىن، دەنساۋلىق ساقتاۋ ۇيىمدارىن، باق-تى، ازىق-تۇلىك دۇكەندەرىن، ءدارىحانالاردى جانە تىرشىلىكتى قامتاماسىز ەتۋ ۇيىمدارىن، مەنشىك نىساندارىنا قاراماستان، "Ashyq"-قا قاتىسپايتىن بارلىق كاسىپورىندار مەن ۇيىمداردىڭ قىزمەتى توقتاتىلادى؛
- ويىن-ساۋىق، سپورتتىق جانە باسقا دا بۇقارالىق ءىس-شارالاردى، سونداي-اق وتباسىلىق، ەستەلىك ءىس-شارالاردى وتكىزۋگە تىيىم سالىنادى؛
- مەملەكەتتىك ورگانداردىڭ (ۇيىمداردىڭ)، كەڭسەلەردىڭ، ۇلتتىق كومپانيالاردىڭ جانە وزگە دە ۇيىمداردىڭ قىزمەتكەرلەرىنىڭ (ۆاكسيناسيالانعان جانە سوڭعى 3 اي ىشىندە اۋىرىپ ساۋىققان ادامداردى قوسپاعاندا) 80%-ى ءۇشىن قاشىقتان جۇمىس ىستەۋ نىسانى ساقتالادى؛
"Ashyq" جوباسىنان تىس:
- قۇرىلىس جۇمىستارىن جۇرگىزۋگە؛
- ونەركاسىپتىك كاسىپورىنداردىڭ قىزمەتىنە؛
- تۋريستىك كومپانيالاردىڭ، بيزنەس ورتالىقتاردىڭ، قىزمەتتىڭ جەكەلەگەن تۇرلەرىنىڭ قىزمەتىنە؛
- قوعامدىق تاماقتانۋ وبەكتىلەرىنىڭ تەك الىپ شىعۋعا جانە جەتكىزۋگە ارنالعان قىزمەتىنە رۇقسات ەتىلەدى.
سونىمەن قاتار 9 تامىزدان باستاپ ينفەكسيالىق توسەك-ورىندارىنىڭ تولتىرىلۋ كورسەتكىشى 70%-دان جوعارى جانە توسەك-ورىنداردىڭ تولتىرىلۋ كورسەتكىشى 100 مىڭ تۇرعىنعا شاققاندا 200-دەن جوعارى بولعان كەزدە ("قوڭىر-قىزىل" ايماق) "Ashyq" كوشباسشىلارى مارتەبەسى بار وبەكتىلەرگە 00.00 ساعاتقا دەيىن، جوبا بويىنشا جۇمىس ىستەيتىن وزگە دە وبەكتىلەرگە ساعات 22.00-گە دەيىن جۇمىس ىستەۋگە رۇقسات ەتىلەدى.
2 تامىزدان باستاپ "قوڭىر-قىزىل" ايماقتا اكىمدىكتەردى، قۇقىق قورعاۋ ورگاندارىن، دەنساۋلىق ساقتاۋ ۇيىمدارىن، باق-تى، ازىق-تۇلىك دۇكەندەرىن، ءدارىحانالاردى، "Ashyq" جوباسىنا قاتىسۋشىلاردى قوسا العاندا، مەنشىك نىساندارىنا قاراماستان، بارلىق كاسىپورىندار مەن ۇيىمداردىڭ قىزمەتى دەمالىس كۇندەرى توقتاتىلادى.
پىكىر قالدىرۋ