نۇر-سۇلتاندا شەكتەۋ جانە كارانتين شارالارىن قاتاڭداتۋ تۋرالى جاڭا قاۋلى شىقتى، دەپ حابارلادى قالانىڭ رەسمي سايتى.
قاۋلىعا ساي مەملەكەتتىك ورگان، ۇلتتىق كومپانيالار، كاسىپورىنداردىڭ اكىمشىلىك پەرسونالىنىڭ 80%-ى قاشىقتان جۇمىس ىستەۋ تۇرىنە كوشىرىلەدى. تەك ۆاكسينانىڭ تولىق كۋرسىن العان جانە سوڭعى 3 اي ىشىندە كوروناۆيرۋسپەن اۋىرىپ جازىلعان، سونداي-اق تۇراقتى مەديسينالىق قارسى كورسەتكىشتەرى بار بارلىق قىزمەتكەردىڭ كۇندىزگى رەجيمدە جۇمىس ىستەۋىنە رۇقسات بەرىلەدى.
مۇنىمەن قوسا، COVID-19 ۆاكسيناسىنىڭ ءبىرىنشى كومپونەنتى 2021 جىلدىڭ 10 تامىزىنا دەيىن، ال ەكىنشى كومپونەنتى 2021 جىلدىڭ 1 قىركۇيەگىنە دەيىن ەگىلۋى كەرەك.
پىكىر قالدىرۋ