پرەزيدەنت قاسىم-جومارت توقايەۆ تۇركيادا بولعان الاپات ورتكە بايلانىستى رەجەپ تايىپ ەردوعانعا جەدەلحات جولدادى. بۇل تۋرالى پرەزيدەنتتىڭ باسپا ءسوز حاتشىسى بەرىك ءۋالي حابارلادى.
"قاسىم-جومارت توقايەۆ تۇركيادا بولعان الاپات ءورت سالدارىنان ەلدىڭ ەكونوميكاسى مەن تۋريستىك بازاسىنا وراسان زور شىعىن كەلگەنىنە جانە ازاماتتاردىڭ دەنساۋلىعىنا اۋىر زاردابىن تيگىزگەنىنە بايلانىستى تۇركيا پرەزيدەنتى رەجەپ تايىپ ەردوعانعا نيەتتەستىك بىلدىرگەن جەدەلحاتىن جولدادى.
قازاقستان پرەزيدەنتى ءوز جەدەلحاتىندا باۋىرلاس تۇرىك حالقىنا گۋمانيتارلىق كومەك كورسەتۋگە دايىن ەكەنىن اتاپ ءوتىپ، پرەزيدەنت رەجەپ تايىپ ەردوعانعا ەلدەگى تابيعات اپاتىنا قارسى كۇرەستە ساتتىلىك تىلەدى" دەلىنگەن پرەزيدەنت جەدەلحاتىندا.
سوڭعى بىرنەشە كۇننەن بەرى تۇركيانىڭ كۋرورتتىق ايماعىندا ورمان ءورتى ءورشىپ تۇر. ءورت سالدارىنان 6 ادام قازا بولىپ، 180-نەن استام ادام زارداپ شەكتى.
كۋرورتتا دەمالىپ جاتقان تۋريستەر ءقاۋىپسىز ايماققا كوشىرىلدى.
پىكىر قالدىرۋ