قازاق ونەرىنىڭ كورنەكتى تۇلعاسى، ءانشى، قازاقستاننىڭ ەڭبەك سىڭىرگەن ءارتىسى، پروفەسسور ليۋسيا تولەشوۆا ومىردەن ءوتتى. قارالى حابار قازاق راديونىڭ الەۋمەتتىك جەلىدەگى پاراقشاسىندا حابارلاندى.
ليۋسيا قاجىعالي قىزى تولەشوۆا 1941 جىلى 22 مامىردا استراحان وبلىسىندا دۇنيەگە كەلگەن. 1962 جىلى چايكوۆسكيي اتىنداعى الماتى مۋزىكالىق ۋچيليششەسىن بىتىرگەن.
اباي اتىنداعى قازاق مەملەكەتتىك اكادەميالىق وپەرا جانە بالەت تەاترىنىڭ ءسوليستى بولىپ، "چيو-چيو سان"، "ەر تارعىن"، "قىز جىبەك" وپەرالارىندا باستى رولدەردى سومداعان.
1970 جىلى كومپوزيتور مانسۇر ساعاتوۆتىڭ شاقىرۋىمەن تەلەراديوكوميتەتتىڭ ونەر ۇجىمىنا ءانشى رەتىندە قابىلدانىپ، قازاق راديوسىنىڭ "التىن قورىن" تولىقتىرۋعا ۇلكەن ۇلەس قوسقان. ونىڭ قازاق راديوسىنىڭ "التىن قورىندا" 300-دەن استام ءانى بار.
پىكىر قالدىرۋ