توكيو وليمپياداسىندا قازاقستاندىق ءمولدىر جاڭبىرباي (55 كەلى) كاراتە-دودان ەكىنشى جەكپە-جەگىن وتكىزدى، دەپ حابارلادى Olympic.kz سايتى.

ەكىنشى كەزدەسۋىندە ءمولدىر اۋستريالىق بەتتينا پلانكپەن كەزدەستى. ەكەۋى دە جەكپە-جەكتى بەلسەندى باستادى. العاشقى ۇپايدى قازاقستاندىق سپورتشى الدى. قارسىلاسى تارازى باسىن تەڭەستىرگەنىمەن، ءمولدىر قايتادان ۇپاي سانىمەن العا شىقتى. دەسە دە سوڭعى ساتتە اۋستريالىق ءۇش ۇپاي الىپ كەتتى.

وسىلايشا ءمولدىر قارسىلاسىنا 3:4 ەسەبىمەن ەسە جىبەرىپ قويدى.

ايتا كەتسەك، ءمولدىر جاڭبىرباي ۆ توبىندا سىنعا تۇسەدى. قارسىلاستارى - ۋكراينالىق انجەليكا تەرليۋگا، جاپونيالىق ميحو مياحارا، اۋستريالىق بەتتينا پلانك جانە مىسىرلىق رادۆان سايەد.

ءمولدىر العاشقى جەكپە-جەگىندە مىسىرلىق رادۆان سايەدتى جەڭسە، بەتتينا پلانك جاپونيالىق ميحو مياحاراعا ەسە جىبەردى.