باتىس قازاقستان وبلىسى شىڭعىرلاۋ اۋدانى اكىمدىگىنىڭ قۇرىلىس جانە ساۋلەت بولىمىندە جۇمىس ىستەگەن 35 جاستاعى قىزمەتكەر جۇلدىز احمەروۆا جول اپاتىنان كوز جۇمدى. بۇل تۋرالى ءوڭىردىڭ پوليسيا دەپارتامەنتى حابارلادى.
قايعىلى وقيعا 4 تامىز ورال-شىڭعىرلاۋ تاسجولىندا بولعان. سالدارىنان "نيۆا" اۆتوكولىگىنىڭ جولاۋشىسى وقيعا ورنىندا قايتىس بولعان. ال كولىك جۇرگىزۋشىسى جاراقات الىپ، اۋرۋحاناعا جەتكىزىلگەن.
ءقازىر اتالعان ءىس بويىنشا قىلمىستىق كودەكستىڭ 345-بابى (جول قوزعالىسى ەرەجەلەرىن بۇزۋ نەمەسە كولىك قۇرالدارىن باسقاراتىن ادامداردىڭ كولىك قۇرالدارىن پايدالانۋ) بويىنشا سوتقا دەيىنگى تەرگەۋ باستالدى. قاجەتتى ساراپتامالار تاعايىندالدى.
اۋدان اكىمدىگىنىڭ حابارلاۋىنشا، ءبولىم ماماندارى قىزمەت ماشيناسىمەن اقشات اۋىلىنا بارا جاتقان. ول شىڭعىرلاۋدان 72 شاقىرىم جەردە ورنالاسقان. تۇرعىنداردىڭ وتىنىشتەرى بويىنشا ۋچاسكەلەردى ولشەۋ قاجەت بولدى. رولدە كولىك جۇرگىزۋدەن تاجىريبەسى كوپ باس مامان وتىرعان. بەلگىسىز سەبەپتەرمەن كولىك اۋدارىلىپ كەتكەن. وسىلايشا 35 جاستاعى ايەل وقيعا ورنىندا قايتىس بولعان.
پىكىر قالدىرۋ